U briew u donkam ia ka tnga bad kumjuh ka briew ka donkam ia u tnga. Kumta haba phai ha ka jingïadei u briew bad ka briew kiba la ïoh lok ne tnga, kane ka ktien U Blei ba la sot na ka Gospel u Markos ka pyni shai ba ka wan jia shisha ha ki khun shynrang bad kynthei. Bun ki khun mynta haba ki la ïoh briew ki la iehnoh ïa la ka kmie bad u kpa kumba hikai ka ktien u Blei.
Hangne ka pyni ba ka ktien u Blei ka long kaba shisha. Ki khun la dei ka khadduh, kaba nyngkong ne kiba pdeng ki hap ban leit bud bad iehnoh ïa ki kmie ki kpa ban ïa shong ïa sah noh bad la ka tnga ne u tnga. Khamtam kito kiba ïoh tnga sha jngai ki bym dei para doh para snam lei lei ki hap ban bud ïa la u tnga bad ki iehnoh shisha ïa ki kmie ki kpa.
Kane ka jia ha kiba bun ki khun kynthei lei lei ki hap ban leit bud noh ïa u tnga kat shaba u ïalam. Baroh kito kiba la ïoh briew ne ïoh lok ki hap ban mih noh na ka ïing kmie ban leit sah leit shong noh bad la u baieit kat shaba u ïalam. Kane ka sakhi shai ba ka ktien u Blei ka ong, U briew un iehnoh ïa la u kpa bad ïa la ka kmie bad un ïaineh bad ïa ka tnga.
C. B. Iawphniaw
