Kane ka long ka jingshisha ba wat u Jisu ruh u la ong na uwei u nongsynshar u la kylli ïa u. Ko nonghikai ba bha ngan leh kumno ba ngan ïoh ka jingim bymjukut? U Jisu u la ong ha uta u nongsynshar Balei ba me khot ba bha ïa nga ? Namar ym don uba bha hynrei tang uwei uba u Blei keiñ. (Loukas 18 : 18 – 20) bad Markos 10 : 17 – 18), katba ki briew mynta ki pynlong Blei ïa u Jisu kum u Nongpynim ka pyrthei. Namar ka dei shisha ba ïathuh u Jisu ba tang u Blei uba bha (God is good). Kumta u Jisu u kren ïa ka jingshisha ha ki briew ba dei tang u Blei uba bha, ym don uno uno uba bha lait tang u Blei nongthaw nongpynlong ïa ka pyrthei bad ïa kiei kiei baroh bad ïa ngi ki briew. Uei uei baroh uba da long na ka jong ka jingshisha u shahshkor ïa ka ktien u Blei. Namar uno uno baroh u ban khot kyrpad ïa ka kyrteng u Blei yn pynim ïa u. Kane ka pyni shai ba u Jisu um shah ban khot ba bha ïa u. Namar ym don uba bha hynrei tang uwei uba u Blei keiñ. Namar don uwei u Blei bad uwei u ksiang ruh hapdeng u Blei bad ki briew, U KHRIST JISU UBA U HI U RUH U BRIEW (I – Timothi 2 : 5).
C. B. Iawphniaw
