Mumbai, Jymmang:
Ka jylla Maharashtra, ka la don ar ngut ki briew kiba la ïap na ka jingshah ktah ha ka jingpang COVID-19 naduh u Kyllalyngkot mynta u snem, la ong ka tnat ka koit ka khiah jong ka jylla ha ka sngi Ba-ar.
Ha ka jingpynbna, ka tnad ka la ong ba baroh arngut ki jingïap ki dei kiba la pyntip na Mumbai bad ki kynthup ïa ki nongpang kiba don ïa ki jingpang ba ïadei bad ka jingpang (ka jingdon ha kajuh ka por jong ar ne palat ki jingpang ha uwei u briew).
Uwei na kiba ïap u don ïa ka jingpang Nephrotic Syndrome ryngkat bad ka jingpang Hypocalcemia Seizure, katba uwei pat u dei uba pang bampong, la ong ka khubor.
Ka jingpynlait khubor ka ïathuh ba baroh ki Swab Sample kiba la eksamin naduh u bnai Kyllalyngkot ki long 6,066 tylli, ha kaba 106 ngut ki la ïoh ïa ka jingpang ba la saphriang. Na kine, 101 ngut ki dei na Mumbai bad kiwei pat ki dei na Pune, Thane, bad Kolhapur.
Mynta, 52 ngut ki nongpang ki dang shah sumar hadien ba la lap ïa ki dak ki shin jong ka jingpang, katba 16 ngut ki dang shah sumar ha ki Hospital, la ong ka tnad ba dei khmih.”Ka jingkiew jong ki nongpang COVID-19 kam shym la ïohi tang ha Maharashtra, hynrei wat ha kiwei pat ki jylla bad wat ha kiwei pat ki ri,” ong ka jingpynbna.
