Ha ka jingpaw pyrthei kaba sngew synei, ki nongtrei frontline kiba peit bad sumar ïa ki jingai bording ha ki bynta jong ka Mawsynram, Nongalbibra bad Phulbari sub division, ki la pynmih ka jingkyrpad paidbah halor ka jinglong kiba khapngiah ha ka kam, ka jingbymdon eiei ban kyrshan, bad ka jingpynkheiñ ïa ki ain siew nongtrei. Ka kompani kaba peit ïa kine ki bynta ka la don ha ka Corporate Insolvency Resolution Process (CIRP), ha ka jingïalam jong u Mr. Ankit Goel (Resolution Professional), ki nongtrei paidbah – kiba bun ki la trei la slem – ki la shem jingeh ban pynneh bording na ka bynta ki phew hajar nongshong shnong, khlem siew tulop, khlem jingïarap, khlem jaiñ ïada ne kino kino ki tiar shimet.
Ha ka jingthoh sha u MLA bad ki bor synshar, ki nongtrei ki la kdew shai ïa ki bynta kiba donkam eh:
oBym don Mar Kynshew: Ka jingpynpoi ïa ki tiar treikam kum ki cable, insulator bad fuse unit ka la duh lut, kaba pynlong ka jingeh ban leh noh ïa ki jingpynbha.
oBym don Tiar Iada : Ki nongtrei ki hap ban trei ha ki line bording ba im khlem da don ki tiar ïada kum ki gloves, jaiñ ïada, belt, helmet bad sapot, kaba pynlong ïa ka jingim jong ki ha ka jingma manla ka sngi.
oBym don Kali: Ha ka jingbym don kali, ki nongtrei ki hap ban ïaid da la ki kjat sha ki jaka ba jngai wat ha u slap ne ha ka por miet.
oBym don Ka Jingkyrshan : Ka jingbym don ka jingkyrshan haka rukom treikam na ka liang Technical, administrative bad field level ka la pynlong ka jingpynkulmar ka bym don shuh ka jing ïatreilang
oBym Siew EPF Ne Insurance : Ka kompani ka la shu pynkulmar bad ym shym la siew ïa ki EPF la bun bnai.Ki nongtrei kim don accident ne insurance ha ka jingjia ka jingmynsaw ne iap.
oBym Leh Wage Revision: ka Kompany ka khlem pynkylla bad pyntreikam, Kat kum ka tulop kaba la pynbna da ka sorkar.
oKa Jingduna Ki Nongtrei : Namar ka jingduh nongtrei bad jingbym ioh thung biang, ki nongtrei kiba don mynta ki la hap ban trei palat ïa ka bor briew. Uwei u nongtrei u hap ban trei ha lai jaka, khlem shongthait bad khlem ioh ka bainong kaba biang.
Lada jia kiei kiei, ngi kwah ban tip mano ban shim ka jingkitkhlieh?”
Naba kine ki jingeh baroh, ki nongtrei ki dang bteng ban trei khlem jingkyrshan bad jingpyrshah, hynrei ki sheptieng ba ka jingpynkulmar kan ktah ïa u paidbah. Hynrei ka jingshah lehbeiñ ka la poi sha ka jaka ba khlem lah shah shuh.
“Ngim dawa eiei, hynrei tang ba ngin ioh ïa ki nongkit kiba biang ban pynlong ka jingtrei kaba shngaiñ bad kaba dei katkum ka aiñ,” ong uwei u senior lineman . “Lada jia eiei ha ka por ba ngi dang trei, mano ban shim ka jingkitkhlieh?”
Ki nongtrei ki la dawa na ka State DISCOM, District Administration, bad na u MLA ba kin shimkhia noh mardor ban tehlakam ïa kane ka jinglong jingman na ka bynta ka jingmyntoi u paidbah bad ka jingkyrkhu ïa ka jinglong shngaiñ ki nongtrei.
Lada ym shimkhia kloi, ki nongtrei ki la maham ba kane ka jinglong jingeh ka lah ban pynlong ka jingkyrduh bording kaba khraw ha ka jylla – kaba lah ban ktah ïa ki hajar ki longing bad ïa ki jaka kiba donkam kum ki hospital, skul bad thanat.
Na Ki Nongtrei Bording
