La sot na ka ktien u Blei. U Jisu um dei ba u wan kum u briew hynrei u dei hi u briew (Tim 2 : 5). Haba ka Baibl ka ong ba u Jisu u dei hi u briew, ngi ki briew kiba ngeit ïa ka jinghikai niam ngi ïa ong ba u long u Blei. Ngi ïa mane ïa u kum u nongpynim. Hato ka Baibl lyngba u Timothi ka thok ba ka ong, Namar don uwei u Blei bad uwei u ksiang ruh hapdeng u Blei bad u briew, U Khrist Jisu uba u hi ruh u briew (Tim 2 : 5). U Jisu kum u briew u da sumar ïa ki hukum jong u Blei bad u long hi u briew ba paka. Hynrei haba u leh ïa kiei kiei u pan bor na u Blei bad u shaniah tylli ha u Blei, ym kum ma ngi ki briew mynta ngi burom ïa u Blei da la ki rmiang shyntur hynrei ka dohnud jong ngi te ka jngai na U. ki mane thala ïa u Blei haba ki hikai ïa ki jinghikai ïa ki hukum jong ki briew naba haba ngi lehnoh ïa ka hukum u Blei, ngi bat skhem ïa ka hukum pateng la pateng ki briew. Uwei u samla uba riewspah u la ïa kynduh ïa u Jisu bad ula ong, ka Nonghikai babha kaei ngan leh ba ngan ioh ka jingim bymjukut, u Jisu te u la ong ha u, Balei ba me khot babha ïa nga ym don uba bha hynrei tang uwei uba u Blei (Markos 10 : 18).
Nangta u Simon Petros u la ong ïa u Jisu, Me long u Khrist u khun u Blei ba im (Math 16 : 16). ïa u Jisu u khun ka Mari bad u Joseph. Te ka la kha ïa u khun uba nyngkong jong ka bad ka la sop ïa u da ki jainsop bad ka la pynthiah ïa u ha ka shyngoid naba ym don jaka ïa ki ha ïing basa (Loukas 2 : 7). U Jisu u long u khun nyng-kong ka Mari. Ki kmie ki kpa jong u te ki ju leit sha Jerusalem man la u snem ba don ka jingkhawai niam ka jinglait. Kito mynba u la dep khadar snem ka rta ki la leit kiew sha Jerusalem. Ka kmie u Jisu bad kiba haiing hasem u Jisu. Ka kmie jongme bad ki hynmen hynbew jong me ki ïa ïeng habar ki da kah ban iohi ïa me (Loukas 8 : 20). U Jisu uba na Nasaret uba la long u Nongïathuhlypa uba khraw uba khraw bor ha ka jingleh bad ha ka ktien ha khmat u Blei bad u paidlang baroh. (Loukas 24 : 19). Kane ka pyni ba u Jisu u dei hi u briew ym u Blei.
C. B. Iawphniaw
