Katba ngi dang im bad dang khlaiñ dang shait ha kane ka pyrthei ngi dei ban ïa rwai, ïaroh, ïa kmen ïa sngewbha bad kynmaw ïa u Blei nongda nongker. Namar ynda ngi la iap noh ngim lah shuh ban ioh ïa kino ki jingsngewbha bad ki jingkmen. Kumta ngi dei ban trei ban ktah ban leit ïew leit hat, leit sha lum sha wah, trei ki lyngkha ki risa. Ngi dei ban puh dain, tihmaw tihshyiap, shongdie jingdie kum ki dukan sha dukan ja bad kiwei kiwei ha kylleng ki jaka ba pynioh jngmyntoi ïa ka jingim.
Ngi dei ban trei bad shna jingshna kiba pynioh jingmyntoi ha ka imlang ka sahlang. Ngi dei ban seng bad thaw ki jaka sumar ban ai jinghikai ïa ki pateng ki ban wan.
Kum ki briew ngi dei ban trei ki kam ki jam na ka bynta ka iing ka sem bad ka shnong ka thaw. Ngi dei ban ïa trei lang ban jop ïa ki jingeh kiba ngi lah ban ïa kynduh ha ka jingim.
Ka jingminot ïa ngi ha kane ka sla pyrthei.Namar katba ngi dang khlain dang shait ngi dei ban shim ki lad ki lynti ban pynioh ïa kiei kiei ki jingdonkam ha kane ka pyrthei.Lada ngi lah ban leh ia kino kino ki kam ngin ym kyrduh ka bam ka sa ha ka jingim. Ngi im ha ki saw aiom jong u snem katba ngim pat jam sha ka jinglong tymmen.
Kumno ngi im, ngi ïaid ngi ïeng ha kane ka sla pyrthei, katba ngim pat jam sha kawei pat ka pyrthei. Ngi im ban trei ban ktah ban kren ban khana katba ngi dang im ei ha kane ka sla pyrthei.
C. B. Iawphniaw
