Ngi ki briew wat la ngi leit jingïaseng man ka sngi u Blei bad ngi ïaroh ngi ainguh bad pynlong ki jingïaseng bad ngi duwai ngi ïathuhkhana ba bun rukom ban phla ïa ka kyrteng U Trai uba u Blei, hynrei kaba kut ka long ka jingïap. Namar ym don uba lah ban lait na ka sngi jong ka jingïap.Namar ka long ka pop. Ngi thaw ki routine bapher bapher ban ïaroh bad phla ïa u Blei hynrei ka jingim jongngi ki briew la ngi long niam ne bym long niam ruh ka kut noh ha ka jingïap. Namar ka jingïap ka la synshar ruh ka kut noh ha ka jingïap. Namar ka jingïap ka la synshar naduh u Adam, u Moses bad haduh kine ki sngi ym don ba lah ban lait na kane ka pop kaba u Blei u la buh. Kumba ka Baibl ka ong, ym don uba hok em, ym don uwei ruh, ym don uba shemphang ym don keiñ uba wad ïa u Blei. Namar baroh ki la leh pop bad ki la duh leh nohei ïa ka burom ka jong u Blei (Rom 3 : 23). Ngi leh niam leh rukom katno katno ruh kaba kut ngi poi ha u Lum Jingtep hapoh ka dewmet. Naduh mynbarim haduh kine ki sngi katjuh ka sngi ka jingiap ka wan lyngshop ha ngi ki briew. Wat la ngi phla bad ïaroh ïa u Blei man ka khyllipmat ruh ngin ym lait na ka pop, namar ka dak jong ka pop ka long ka jingïap. Dei kane keiñ ba ka Baibl ka ong, ka nongshun kaba khadduh ha ngi ki briew ka long ka jingïap. Ka jingïap ka long ka bor kaba ngim lah ban lait na ka wat la ngi smat ne jaituh katno katno ruh. Ka jingïap ka long ka kti ba khlaiñ bor jong u Nongthaw nongpynlong ïa ngi ki briew.
C. B. Iawphniaw
