U Blei u la thaw ïa u Adam u briew ba nyngkong eh katkum ka kot Bakhuid ne ka Baibl. Nangta u la thaw sa ïa ka Im ne ka kynthei da kaba shim na kawei ka shyieng krung u Adam bad pynlong ïa ka briew na kawei ka shyieng krung na ka bynta kawei ka kynthei ne ka briew. Hangne ka mut uwei u briew na ka bynta kawei ka briew.
Kumjuh kawei ka briew na ka bynta uwei u briew ne u shynrang (Jenesis). Te kane ka rukom ngeit ba u shynrang na ka bynta kawei ka kynthei bad kawei ka kynthei na ka bynta uwei u shynrang bun ki bym pdiang ban shim tnga kawei hikai ka Baibl.
Namar haba phai ha ka jutang barim (Bible) ki briew ki ri bun tnga ne lok kim ngeit ïa ka jinghikai ka Baibl. Shuh shuh kiwei kiwei ki jait niam ruh ki bym dei khristan ruh ki shynrang ki ri bun tnga. Te kane ka jinghikai kam ïa hap eiei ruh em bad ka jingong ka Baibl kaba hikai kawei ka shyieng krung na ka bynta kawei ka briew.
Bun ki jaitbynriew bapher bapher ki dang ïa ri bun tnga. Wat ha ri India jongngi ruh bun kiba ïa ri bun tnga ne lok. Te kane kam ïahap ban ong kawei ka shyieng krung na ka bynta kawei ka briew. La jan man kawei pa kawei ka jaitbynriew ki don beit kiba ïa ri bun tnga.
C. B. Iawphniaw
