Ka jingïadei hapdeng ka Mei – kha bad ki khun – kha ka long kaba jan tam ha ka longkur longjait, bad ha ka longiing longsem hapdeng ka Mei – kha bad ki khun – kha. Namar ki khun kha ki ioh ïa u symbai na u kpa ka ïing ka Meikha. Kumta ka don ka jingïadei bad longdoh longsnam (blood relationship) kaba jan tam.
Ki khun kha ki mih na u symbai kpa na ïing ka Meikha. Shipara kha pat ka don ka jingïadei kaba jan namar ki dang dei na ka juh ka thymmei na ki khun kiba shipara. Shipara ar kmie pat kim da don eh ka jingïadei kaba jan namar ki ioh symbai na ki shongkha ne ki kpa ba ïapher. Kumta ka don ka jingïapher ha ka liang ka jingïadei shipara watla ki dei na kajuh ka jait ka kur. Shipara ar kmie ki dei na kajuh ka thymmai hynrei ki don ka daw ba ïapher ki shongkha ne ki kpa.
Kumta ka don ka jingïadei kaba jan tang na kajur ka jait, namar ki ia dei shipara. Ki don jingïadei tang na kajuh ka jait, jong ka kmie. Ka jingïadei na ka liang ka Meikha bad ki khun kha ka long kaba jan tam eh hapdeng ki ar liang ïing ka Meikha bad ki khun kha.
Shipara ar kmie ki shu ïa dei na kajuh ka jait jong ka kmie hynrei ka jingïadei na ka liang u kpa ka don beit ka jingïapher. Kane ka jingïadei kur ka long kaba donkam bha ban da wad bniah ïa ka jingïadei ka longdoh longsnam ym tang ba ïadei ka kur ka jait.
C. B. Iawphniaw
