Jan baroh ki jait niam ha kylleng ka pyrthei ki don kiba mane bleithaw. Wat ka niam Jiw ruh ki don ka jingmaham pyrshah ban ym mane bleithaw naduh ka por u Moses, u David, u Solomon ruh ki don kiba mane blei thaw ong ka Baibl. Kumta kano kano ka niam ka don beit ka jingmane bleithaw. Ka niam Khristan, ka niam Hindu, ka niam Muslim, ka niam Buddhist, ka niam Sikh bad kiwei kiwei ki jait niam ki don beit kiba mane bleithaw. Ym tang ka niam Hindu kaba mane bleithaw kumba shait iohsngew na ki riewngeit Khristan ba dei tang ka niam Hindu kaba mane bleithaw. Hynrei ha ka jingiohi jongnga ka niam khristan ruh ki don byllai kiba mane bleithaw. Ngi kynnoh ïa kiwei hynrei ïa lade pat ngim tip ba ngi mane bleithaw jan man ka khyllipmat. Kumta ngim dei ban pharep ïa kiwei katba ia lade ngim biang lut ha ka jingim kaba man ka sngi. Ka mane bleithaw ka la don naduh hyndai hynthai haduh kine ki sngi ka dang don ka jingmane bleithaw ha ki briew ha kylleng ka pyrthei. C. B. Iawphniaw
