Ha ka jingiohi jongnga ki kynhun balang la seng da ki briew. Ki pynlong ïa u Jisu kum uta uba bah ïa ki pop jongngi ha man ki jingïaseng bad ki jingïalap. Kumta ki rakhe ïa ka khristmas bad ka jingiap u Jisu Khrist kum u nongpynim. Hapoh 60 snem mynshuwa ïa ka Khristmas ngi shu ïa kynhoi tang ban khana ym ban leh niam khristan.
Hadien u snem 1500 H. K. la mih da ki spah bad ki hajar ki balang kiba pyrta ban bud ïa u Jisu kum u nongpynim. Lada ngi long ki khristan ka mut ki nongbud jong u Khrist. Ngi la dei ban bah ïa ka diengphna man ka sngi, hynrei ngi khlem leh ïa kata, te ka wan keiñ ka pop bad ka jingpynrem ïa ngi ki khristan ka nam soitan ka kam. Kiba long niam mynta ki kam trai ïa u Khrist. Tip ki bym long niam ne ki ‘riew pyrthei ki lah ban ioh ïa u Khrist ? Kane ka don ka jingsngew ha kiba long niam. Ka niam ka dei ka rynsan thaw hi khlem don ha ka rynsan ba la thaw u Jisu. Ma nga ma phi ngi dei ki nongmane bleithaw kiba sarong ha la ka sngew hing khyllew ba ngi don ha ka niam ba la seng da u Khrist. Hynrei ngi don ha ka niam ba la thaw hi da u briew. Kumta ngi dei ban shaniah beit tang ha ka ktien jong u Blei. Suk uta u briew uba shañiah ha U Trai bad uba ka jingshañiah jong u long U Trai. (Jer 17 : 7).
C. B. Iawphniaw
