Ka ktien U Blei ka ong, ba uei uei baroh uba ngeit ha u, yn ym jot shuh hynrei un ioh ka jingim bymjukut (Ioannis 3 : 16). Hato don mo ha ngi ki briew ki bym ngeit ha uba lah ban ai ka jingim bymjukut. Baroh keiñki kwah ban lait na ka jingim iap. Hynrei na ka jingshisha watla ngi ngeit katno katno haduh ban phuh niuhlieh ruh ngin ym ioh ka jingim bymjukut kumba hikai ka ktien u Blei. K
ane ka long tang ka rukom jinghikai niam ban pynkohnguh ïa ki briew ban lait na ka jingiap. Hynrei kam don kano kano ka ban pynioh ïa kata ka jingim bymjukut. Uwei u samla uba riewspah ula ong. Ko nonghikai babha kaei ngan ioh ba ngan ioh ka jingim bymjukut ? U Jisu u la phai ktien bad u la ong ha u, Balei ba me khot babha ïa nga ? Ym don uba bha hynrei tang uwei uba u Blei (Markos 10 : 17 -18). U Jisu u la ong biang, ha uta u samla kawei me dang duna ïa me, khie leit die noh katba mo don ai ruh ha kiba duk te men ioh ka jingkynshew ha bneng.
Ban ioh ka jingim bymjukut ka long ka kam kaba eh bha ïa ngi ki briew, namar ngi hap ban die noh ïa kiei kiei katba don bad leit ai noh ha kiba duk, te ngi lah ban ioh ïa ka jingim bymjukut.
Kumta ka long kaba eh bha ïa ngi ki briew ban ioh ïa ka jingim bymjukut, watla ngi ngeit bad shakri Blei haduh ka sngi ka jingiap ruh, ngin ym ioh ïa ka jingsuk bneng ne kata ka jingim bymjukut. Kumjuh wat ïa ngi shah pynbaptis katno katno sien ruh ngin ym ioh ïa ka jingim.
Namar kane ka long tang ka jingleh niam ban pynjan ha u Blei ym ban ai shisha ïa kata ka jingim bymjukut. Namar kumba ong ka ktien U blei, naba ka long kham jem ïa ka Ut ban bsut lyngba ïa ka thliew thyrnia ban ïa kiba riewspah ban ioh ïa ka hima u Blei (Loukas 18 : 25). Ngi ngeit ha u Blei hynrei ngim ioh ïa kata ka jingpynim ei.
C. B. Iawphniaw
