Hato ka pynbha ne ka pyntngit bad pynbyrsieh ïa ka dustur ka riti jongngi ki Khasi naba ai jait kmie ïa ki khun na ki kpa ba ïapher. Shubuh kawei ka Kmie jong ki khun ka ioh tnga arngut laingut na ki kpa ba ïapher ka jait ka kynja. Ki khun jong ka pat, kawei ka ioh tnga Nepali, kawei ka ioh tnga Bihari ki arngut shadien kawei ka ioh ia u para Khasi bad kawei ka ioh ïa u Khar Garo. Te ki khun jong kine ki tnga ba ïapher ki ai jait sha ka kmie kaba dei ka dustur ai jait ki Khasi. Hato ka don ka jing-ioh myntoi ban ai jait sha ka kmie ïa ki khun kiba ioh kpa bym dei para doh para snam ? Ne ka shu pynbyrsieh ïa ka dustur ka riti nylla jongngi ki Khasi – Pnar. Kine ki khun na ki kpa bapher ki dei shi para ar kpa lai kpa kim ïa dei shipara trai. Namar ka snam ne blood relationship kam ïa dei da lei lei ruh.Namar shipara trai dei tang ki khun na ujuh u kpa, watla dei katjuh ka kmie makna. To hangno kata ka dustur nylla ka jaitbynriew jongngi ka long haba ïa ki khun na ki kpa bym dei Khasi la ai jait sha ka kmie Khasi. Hato ngi sngewtynnad tang ba la dei shijait ? Kumno keiñ ïa ki khun Negro ne China yn ai jait Khasi paka. Kane ka ai jait kheiñ jait ha ngi ki Khasi kam dei kaba nylla ka dei kaba thoh bruin thohbrain kum u Labasa. Ka jingai jait Khasi ïa ki khun bym dei Khasi ka pynduh jait ïa ka snam Khasi paka.
C. B. Iawphniaw
