U Myllung Babu Soso Tham haka u thoh ïa kane ka Poitri “U Khun I Mei” ha ka Duitara Ksiar u iohi jngai bad ba u da tip shai ïa ka lawei “U Khun I Mei” Ka Bri u Hynñiew Trep Hynñiew Skum, u Phawar.
“Shano ba don u Nongshohnoh
U dang sheptieng ban shang,
Ynda u Tip ka duh ka ioh
Sawdong pyrthei un klang.”
I mat u khun I Mei ynda u la shang sawdong pyrthei u shem ba tang ka duhnong bad bym ioh nong eiei, u mih na iing Thylli, u wan phai ruh thylli. Dei na kane ka daw ba u khun I Mei u sa thoh ha ki poster ba la wan ha kylleng kylleng sawdong ka sor bad khap sor ban kyrpang sngewsynei ia la ki kmie ki kpa u ong “
Ngi mih na ka juh ka kpoh
Balei ba tang I wei I Nongioh
Kynthei bad shynrang.”
Kiba ieit mariang ki ong “Ngi kwah ban pynim ïa ka Mariang kiba ieit jaidbynriew ki ong “Ngi kwah ban pynim ïa ka Jaidbynriew.”
Ka spah ka long ka stieh ban da ïa ka jaitbynriew
Ka long ruh ka spah ban da ei ka main ka long rangbah
“Uta uba donbor ha ka rympei u don
Hynrei uta ïa uba la shah sliah noh
ïa ka iktiar naduh Rympei.
Um lah ban thaw pyrthei.”
Da ka spah ngi ioh ïa ka bor bad iktiar ban ïeng ha ka ki kjat ban tei ïa la ka jingim bad ka jaitbynriew ha baroh ki liang.
Dei na kane ka daw keiñ ba u khun I Mei u kyrpad synei ba ki kmei ki kpa kin ai bynta lem.
Ym don ki kmie ki kpa kiba kwah ba ki khun jong ki ba kin khrong kai makia, pynjot ïalade ha ka dih ka bam ba sniew namar ba ym sngewtikna ïa ka jingim ha ka lawei.
Ka por ka la dei kum ba phawar u Myllung Babu Soso Tham ha Duitara ksiar ki Poetry “U Diengjat Bilat”
“Baroh u briew bastad
Mano ba lah ban len
La khlem da plie ka lad
Kumno un lait ban kren”
Ka dei mynta ka por ba ki kmie ki kpa kin plie lad bad plie lynti ai bynta noh kum ba la kyrpad da u khun I Mei sha ki khun shynrang bad kynthei kiba la biang ka kyrta ba kin ioh bor ioh iktiar ban khlain ki tyrpeng, sngew shngain sngewskhem bad sngew trei ha la ka jong ki Ri kum u samla “U Rang Khadar buit khadar bor bad ka samla kynthei pat” ka shibuit ka shibor.”
Hangta kein kin ïeng shlur ban ia pynibor bad kiwei pat ki jaitbynriew ha la ka jong ka Bri ki Hynñiewtrep Hynñiewskum ha baroh ki liang ka roi ka par parum – pareh ka dei ka thied, ka pule – puthi, ka pynïeng ki Industry bad ki jait kam jait jam ba ïa dei bad kane ka juk stad m ynta.Te nangta kin sa tip kumno bad shano ban pyntyllun ïa ka pisa kaba long ka jingim ka jaidbynriew.
Te lada ki kmie ki kpa ki plie bad plie lynti noh ïa la ki khun, kan ym mih shuh na ki shyntur jong kiba ong “Ngi la sah khyllung la sah khynnah.”
U khun, I Mei “Kum u Kni ba lah ba ïar bad ha ki para pyrsa ha la ïing kmie bad kum u kpa ba lah ban ïai ha la ïing khun.”
Ka Bible ka ong ha Salm 127 : 4-5 “Kum ki khnam ha ka kti uba khlaiñ bor kumta ki long ki khun kiba khynraw suhk uta u briew uba ka ryngkap jong u ka dap da ki, kin ym lehrain keiñ haba ki ïa kren bad la ki nongshna ha ka khyrdop.”
Ki kynthei ki Bri u Hynñiew Trep Hynniew Skum ki long ka Pansngiat” ba la pynkhamti da u longshuwa manshuwa ba kin ri kyndong ïa la ka jait ka kynja ki kmie pateng la pateng ha kaba tip kur tip kha tip pakha tip meikha hapoh ka Bri u Hynñiew Trep Hynñiew Skum. Ka dei ka kamram jong ki khun kynthei ba kin bat pyrkhing bad sumar kyntang bha ïa kane “Ka Pansngiat” ka dei ka burom bad ijot ka kur ka jait bad ka jaitbynriew hi. Te lada ki lah dewthala khlem tyngkai burom shuh ia kane “Ki Pansngiat” ka hap noh ha ka surok madan madiah ta la duh ki jait ka kynja ka jaitbynriew baroh kawei.
Ka Bible ka ktien u Blei ka ong” ka briew kaba stad ka tei ïa la ka ïing, hynrei kaba bieit ka lied noh ïa ka da la ki kti (Proverb 14 :1).
U khun I Mei to un nang ïa ki pharshi ka jingsneng ban pynsyrwa kai ïa ka spah ba la ioh na I mei I pa, hynrei ban tei bad pynroi ïa ka.
Uba Ieid Jaidbyntiew
