Kum ki briew kiba im ha kine ki sngi ngi kham jied bad kyntait sharud ïa kaba bha. Ngi kham jied ïa ka jingsniew ban ïa ka jingbha. Ka ktien u Blei ruh ka ong, hynrei ki mane thala ïa nga haba ki hikai ki jinghikai ïa ki hukum jong ki briew bad ki Balang bad ngi iehnoh ïa ki hukum u Blei (Markos 7 :7).
Ha kine ki sngi ki briew ba shait mane blei bad ngeit ha ka Baibl kum ka ktien u Blei hynrei ngim leh pat kumba hikai ka Baibl. Bun ki nongïalap ki ïalap kam ïa dei bad ka ktien u Blei. kane ka long ba ki hikai lamler ïa ki briew. Ki briew ki shu ïohsngew na ka jingïalap niam ban ïoh leit sha bneng ban ïoh jingpynim. Hato tang ban leit sha jingïaseng ngin ïoh jingpynim ? Em, ka ktien u Blei ka ong, dei tang uta uba leh ïa ka mon u Blei kin ïoh lait im.
Kumno ngin leh ïa ka mon u Blei, ka long ba ngi dei ban kohnguh ïa ka hukum u Blei. Kata ban ieit ïa U Trai uba u Blei jong me da ka dohnud jong me baroh bad da ka mynsiem jong me baroh bad da ka bor jong me baroh. Bad wat pynsyriem ïa lade bad kane ka pyrthei bad pyrshah ïa ka hukum u Blei (Rom 12 : 1-2). Bun ngi sngewtynnad ïa ka jingïaroh jong ki briew ban ïa ka jingïaroh jong u Blei.
C. B. Iawphniaw
