U Blei nongbuh nongthaw naduh ba sdang ka sngi ka ïa, u lah buh ryntih ïa kiei baroh haduh ka jingim jongngi iwei pa iwei hynrei u khun bynriew ha ka sngewstad u lah pynkylla khongpong lut ïa kaei kaba u Blei u lah theh ha ngi.
Peit kaei kaba jia ïa ka Mei Mariang bad ki sawdong sawkun jong ka, lah dap sa tang da ki jingleh torti jong ngi ku lum ki wah bad ki umpohliew ki lah sdang rngad bad Jakhlia, ki dohkha dohpnat ki lah jah bad iap khlem dei por, ki mrad ki sim ki khñiang ki puit ki lah duh jait bad kaba sah dei sa tang u briew ban ïa bam para briew, mano ban kitkhlieh / bah khlieh halor kane? Ka sorkar ne u paidbah ? ngi hap husiar bad peitngor. Ka jingim jongngi ki briew ruh ka lah pynmong ïa u nongbuh nongthaw namar ngi lah ïaleh pyrshah ïa kaei kaba u Blei u lah ai lane pynkup bor kat kumba ngi dei ban ïaid bad im ym pat ban ïaid lait bad dei hangne ba un sa sympat kum ïa uto u khun tamsneng da ki bor kiba kat kum ka mon jong u. Eksodos 4 : 9.
V. Wanñiang
