Kumno ma me u Jiw me pan ban dih na nga kaba long ka nongsamaria naba ki Jiw kim ju ïa lok bad ki nongsamaria (Ioannis 4 : 9).
Hangne keiñ ka pynpaw ba ki nongsamaria kim sngewbha ban pdiang ïa u Jisu. Te ym tang ki nongsamaria hynrei ki bun ki ri bad ki jaitbynriew ha kylleng ka pyrthei ki bym pdiang ïa u Jisu ki ri bym ngeit ha ka jinghikai ka niam khristan kim pdiang ïa u Jisu.
Dei tang ki ri ba ngeit ïaka jinghikai ka niam khristan ki ngeit bad ki pdiang sngewbha ïa u Jisu. Ha ri India jongngi ruh bun ki briew bym pdiang ïa u Jisu namar ki don la ka jong ka jingngeit niam jongki. Khamtam ha kylleng ka pyrthei leilei ki don bun ki ri ki bym sngewbha ban pdiang ïa u Jisu namar ki don ha la jong ka jingngeit niam, kiba don ha ka jinghikai ka niam khristan ruh bun ki bym pdiang ïa u Jisu. Namar ki im ka thok ka shukor, ka bishni ka pihuiñ bad sakhi lamler para briew. Kumta kum kine ki briew kim pdiang bad kim ngeit ïa u Jisu.
C. B. Iawphniaw
