Kaba sngewphylla phi mo ! Ha ka jingïathuh khana jongno mo ? Ngi ju shem ba ïa ka Umrangshu, Haflong, Jatinga etc., ha ki snem touching 2000 ka Iwew bun ki nongshong Dukan dei ki Pnar, katto katne ngut ki Dkhar, ka area kaba heh bha, mynta la shu pynkylla jubor noh sha ka Dimasa Hason District, Assam. Kine ki Jaidbynriew ki wan mih naei mo ? Ba ki la shu ioh klun suk ïa ka Ri Pnar jongngi ? La ïa syriem thik kum ïa ka Tripura ba la shu ioh kurup suk da ki Khar Bangladeshi. Nga tharai ban jubab ïa kane ka long kaba eh phi, namar ki Politician jongngi, kiba mynta kim don jingtip ei – ei shaphang la ka jong ka Ri Pnar, Ri Khynriam, Ri War, Ri Bhoi bad Ri Lyngngam. Namarkata, ban shu pynkit pap kynnoh tohmet ïa ki Longshuwa – manshuwa kam shongñia, shong nongrim phi, haba nalade khlem pyrshang ban leh ei – ei.
Hangne kein ka paw tyngkreiñ tang ha kyrteng kita ki Riewieid Ri, ieit Jaidbynriew. Ngi wad jingstad jong kylleng ka Pyrthei, ïa la ka jong ngim tip ei – ei.
Ka la jia ha Langpih ruh shiteng la kñieh jubor ki Paduh Nepali, sha ki thaiñ Ri Bhoi ruh kumjuh ki Paduh Karbi ki kyntur sha kyntur, katba kito kiba markhap bad ka Dimapur, Nagaland ïaid na East sha West 2 kynta lynti da ki Kali, mutdur ka jingheh ka area jong ki Paduh – Karbi, Wat la katta ruh baroh arliang ki ïa im suk im sain, namar ki Paduh Karbi kim shlan ban ia kyntur bad ki Paduh – Naga, namar ki sngewthuh ba ki ïa tyngkhuh para – Reng Shyieng.
Dang don bun ki Area ba la shah kñieh jubor ha ki Paduh – Assamese, Bangladeshi, tangba ngim shlan ban ïa ai Reng – matlah, te, kumta ngi shu kylla long noh tang kum kita ki heh tyngam (loud mouth). Namarkata, kan bha shibun eh ba ngin pynduh noh ïa kane ka jingmlien heh tyngam, la dei ka por ba ngin pyni sa da ki kam. Lymda kumta ngi hap shu ap sa tang ïa ka jingduh – jingdum noh ka Jaidbynriew khleh Jaktung (medley).
Mynta kumne ñiulei la hiar noh sha ka 7 lakh na ki Kpa – Paieid Khasi nylla (pure blood), namar la kharoi shaba palat ka Jait Kmie na ki Kpa bym dei Khasi sha ka 61/2 lakh (population ba tang 14 lakh), kane ka jingwan jia ba sngewsih kumne,dei ba la ai lad ka KHADC bad ki KUR KYNTHEI. Napdeng kito kiba la ai lad kumne don kiba la iap noh bad don kiba la rem noh ha ka Election ba dang shu dep, khamtam eh kito kiba kren beiñ ïa u Bah ARDENT BASAIAWMOIT, MLA, jop don burom, hana, la khyllem noh ka EC jong u, namar ba u thmu ban pynkylla ai Jait Kpa noh. Tip ki sngewkumno kito kiba kren pyrshah ïa u bad la rem noh ha ka Election ba dang shu dep ?
Aaah, sangsot, ia ka Jaidbynriew ka bym ju khuslai ïalade. Lapmiet sa tang ha ka rong phong hi – hi – ha – ha, bishni – sarong khlem da twad shuwa ïa la ka lyng-kdong, poi noh sha ka jingjot thiaw ïalade, nang bam jame kiba na sha bar, khamtam eh haba la mih ïaid wir ki khun Shynrang kylleng ka Ri Khynriam – Pnar – Bhoi – War bad Lyngngam, namar ba kim don Jaka shong neh.
Sngewsih ban kynthoh ba kane ka jinglong heh tyngam jong ngi, ka la dep rai pynrem tang ïa ngi hi. Buh jingkynmaw na ïa kiwei kam ktah mationg ei – ei ruh em.
Panbor B. Lyngdoh
