Ban long ? Ba tang 70 hajar ngut ki Nongtrei kam Sorkar, ngi khmih lynti ba kin lah ban shakri bha ïa ki 34 Lakh ngut ki Nongshong Shnong jong ka Meghalaya? Em, phi da lei – lei ruh em, kim lah, nga ai jubab hi manga u biej, uba la shongthait mynta la 24 snem na shabar ka State. Namarkata, lada long kumno kumno ruh don kam ban don 1lakh ngut ki Nongtrei kam Sorkar, kumba don hapoh Nagaland 1lakh tam, khnang ba ki kam ki jam kin kham biang khyndiat ban ïa kaba mynta. Shibun te, em, namar ba dang trei bor bah ka Buaid Tyngka (corruption) bad um ju don BLEI ha khmat jong kane kajuh. Ym dei satia ka Buaid Kyiad (alcohol).
Ngi ïohi tyngkreiñ sha Nongkyndong duna Doctors, Nurses, B. Pharm bad kumta ter ter. Ym tang katta la shem ba ki sa kiwei pat ki Nongtrei kam Sorkar jong ki Office bapher bapher ruh ki dang duna bha nalor kata ka jingwan trei kam jong ki khamtam eh sha Nongkyndong ka long kaei-kaei kaba ym lah ban mutdur, katba ki mon ki wan ki leit, te, haba kumne kumno ngin ïoh ïa ka jingshakri kaba bha ? Nangta ha kaba ïa dei lei – lei bad ka security ki Police ki dang duna bha 12 tylli ki District don tang 6 Batalion. Phi tharai noh kine ki lah seh ki bapli ban shakri bha ïa ngi ? Em, baroh kine ki snem ba la leit noh ka la ktah ïa ka thiah ka dem jong ki ka koit ka khiah jong ki, namar ba um don por shuh ban peit ïa ki jingdonkam la jong. Namarkata, dang donkam sa 6 tylli ki Battalion khnang ba kawei ka District kan don la ka jong ka Battalion kam don hapoh Nagaland palat ïa ka jingdon jong ki District 14 tylli, Mizoram bad Arunachal Pradesh ruh kumjuh, yn nai ïa kren shaphang u Paduh Assamese uba don byllai kyrhai ki Battalion plus ka Cobra Battalion.
Ka jingdon jong ki Battalion kan ïarap shibun bha bad khamtam eh da kaba buh sa ki Tourist Police ha man la ki Tourist Spot ban lait na ka jingma jong ki Tourist, kumba buh hapoh Nagaland ki don la ki jong ki Police Tourist ka uniform sky blue white border, ki kali ruh kumjuh.
Te, la kyrpad ïa ka Sorkar ba don burom ba kan sngewbha ban leh kham kloi ïa ki jingdonkam na ka bynta ka bha ka miat jong ki Paid Nongshong Shnong jong ka Meghalaya.
Panbor B. Lyngdoh
