Ki jingpang jingshitom dang lah ban pynkoit shipor arpor da ka bor ki Doktor bad ki nongsumar lyngba ki dawai dashin. Hynrei ym lah ban pynduh syndon ïa ka jingpang bad jingshitom ruh. Ka dang khie biang ha kano kano ka por khamtam ba la noh ka bor met bad ka rta jongngi ki briew.
ïa ka jingïap pat ym lah ban pynim shuh shisien ba la ïap. Wat ka bor u Blei ruh um lah shuh ban pynim ïa kiba la ïap. Naduh ki por mynbarim haduh kine ki sngi ruh. Wat u Jisu ruh u la ong na uwei na ki synran, ïeh ïa kiba ïap ban tep ïa kiba ïap jong ki, hynrei khie leit noh ma me bad ïalap ïa ka hima u Blei. (Loukas 9 : 60). Kane ka dei tang ka jinghikai jong ka niam pyrthei ba ka ong lah ban pynkhiah biang kum ïa u Lasarus.
Hynrei ïa u Lasaros ruh la pynim tang ha ka jingngeit ym ha ka doh bad ka mynsiem kaba shisha. Namar naduh ki por mynbarim kata naduh uta u briew uba nyngkong eh u Adam ruh, shisien ba la ïap ym lah shuh ban ïoh im lano lano ruh. Kane ka long ka jingshisha kumba ka paw ha ngi ki briew jong kane ka sla pyrthei. Naduh mynbarim kulong-kumah haduh kine ki sngi ym don ba lait na ka jingïap ka don beit ka jingïap na ngi ki briew. Ka jingïap ka bym lah ban ïada ne khang lad ban ym iap. Man ka sngi ka jingïap ha ngi ki briew ka don beit khlem sangeh namar ym don uba lah ban ïaleh pyrshah ïa ka jingïap. Namar u Blei ruh la thaw ba shisien ka sngi ngi dei ban ïap.
C. B. Iawphniaw
