Ha ka Jutang ki briew ki knia bad ainguh ïa u Blei da ki blang ki Masi bad ki jait soh ba hula hula. U Blei ha ka jutang barim u pdiang ïa ki jingainguh jong ki briew da ki mrad kiba khlem thohbria. Ha ka Jutang barim ki briew ki khot kyrpad ïa ka kyrteng Blei kum u nongpynim. Katba mynta ha ka jutang bathymmai ki briew ki ïaroh bad ki khot kyrpad ia ka kyrteng u Jisu kum u nongpynim.
Ha ka jutang bathymmai kim kñia shuh da ki mrad hynrei ki la lait na kiba kum kine ki jingleh bad kiba la leh ha ka jutang barim. Namar la ong, ba ka jingiap u Jisu halor ka diengphna la bah noh ïa ki pop jongngi mynta da ka snam u Jisu. Kiba ngeit ïa ka jinghikai u Jisu ki kylla long ki jingthaw bathymmai bad kim pdiang shuh ïa ka jinghikai ka jutang barim.
Balei wan mih ka jutang bathymmai ka daw ka long ba ka jutang barim ka la lep ki bniang bad kim ïa hap shuh katkum kane ka juk ba mynta. Mynno la pynmih ia ka jutang kaba thymmai bad mynno la pynmih ïa ka jutang barim ? Balei ki pynmih ïa ka jutang bathymmai. Hato ka dei namar ka jutang barim ka la rim kam long shuh bad ka la rim palat. Ka Baibl ba pura ka dei 73 kitab kaba la pyrsad mynsiem da u Blei. Katba ka Baibl kaba don 66 kitab pat ka dei jong kito ki Protestant Reformation. Ha jutang barim ki kynthei ki kham duna ban ïalap bad pynphriang ïa ka ktien u Blei, katba mynta ha ka jutang bathymmai ki kynthei ki la long ki nongpynphriang ïa ka ktien u Blei. Kane keiñ ka dei ka jingïapher ha ka jutang barim bad ka jutang bathymmai.
C. B. Iawphniaw
