Shillong, Naitung 09
U runar bym lah ban ithuh u la ïoh ban knieh jubor ïa ka bek pisa bad ruh ïa ka mobile phone jong kawei ka briew.
Katkum ka khubor na ki pulit la ong ba ka Sukhla Das ka la ai ka jingujor sha ki pulit ba ha ka 7 tarik mynta u bnai, uwei u runar bym lah ban ithuh, u la knieh jubor ïa ka bek pisa jong ka, kaba don ruh ka pisa kaba long T. 4,000 bad kawei ka mobile phone ha kawei na ki jaka ha Golf Links Club Road, Shillong.
Ha kawei pat ka khubor shah tuh, ka Kong Kerdameka Pohlong ka la ai ka jingujor sha ki pulit ba ha ka 7 tarik mynta u bnai, ha ka por kumba 10.30 mynstep, ki runar bym lah ban ithuh, ki la prong tuh hapoh ka kali Hyundai i10 ka jong ka, kaba la pynïeng ha Howell Road, Shillong bad ban tuh ïa ka ‘music player’.
Ha kawei pat ka khubor, u Pritam Marak u la ai ka jingujor ba ha ka 3 tarik mynta u bnai, u la lap ba ki runar bym lah ban ithuh ki la tuh ïa uwei u RRU na ka tower ba don ha shnong Raitong ba hap hapoh ka thanad Umsohlait ha Ri-Bhoi.Kumjuh, na ka liang jong ka Pretty Yandlas Marak ka la ai ka jingujor sha ki pulit ba ha ka 6 tarik mynta u bnai, ki runar bym lah ban ithuh ki la prong tuh hapoh ka ïing ka jong ka, kaba don ha shnong Megam Akong ha North Garo Hillsbad ban tuh ïa kiba bun ki tiar ïing tiar sem. Na ka liang kane ka nongujor, ka la suba jur ba ki don ar ngut ki briew ba kynthup kawei ka longkmie kiba donkti ha kane ka kam.