Khliehriat, Naitung 11
Ka Mookympat SC, Wahsanphaw SCSC ki la ïoh jingjop katba ka Sonapyrdi FSC bad Rymbai SYWO ki la ïakhaid khlem da lah thep kol ha ka lympung ïalehkai 3rd Division League Stage.
Ïa kane ka lympung ïalehkai la pynïaid da ka East Jaiñtia Hills District Football Association (EJHDFA) ha madan Artificial Turf Diengshynrum, Khliehriat ha ka 11 tarik Naitung.
Haba phai sha ka jingïalehkai kaba nyngkong, ka Mookympat SC ka la pynliem noh ïa ka Sein Khynroo Umsatai da 4-2 kol. Ïa ki kol jong ka Mookympat SC la thep da u Runipynshai Sutnga (1), (70), Mevi Lyngdoh (31) bad Emlang Suja (35). Katba ïa ki kol jong ka Sein Khynroo Umsatai la thep da u Fullmon Lamare (40) bad Jiwell Sympli (76).
Ha ka jingïakhun kaba ar, ka Wahsanphaw SCSC ka la pynliem da 4-0 kol pyrshah ïa ka Umlawang SC. Ïa ki kol jong ka Wahsanphaw la thep da u Iakitlang Lyngdoh (18), Delight Lyngdoh (36), Dayomiki Lyngdoh (71) bad Raplang Lyngdoh (72).
Ha kawei pat ka jingïalehkai, ka jingïakhun kala kut khlem da lah ban pynkhih jar hapdeng ka Sonapyrdi FSC pyrshah ïa ka Rymbai SYWO.
Ha ka 12 tarik Naitung ka jingïalehkai kan long hapdeng ka Moolang SC pyrshah ïa ka Umrasong SCSC haka por 11.00 baje mynstep, ka Pynurkba Christian SC pyrshah ïa ka Lumshyrmit SCSC haka por 1.00 baje mynsngi, ka Suchen Lumiarain SC pyrshah ïa ka Dkhiah East SC haka por 3.00 baje nohphai sngi.
