Shillong, Naitung 14
Lai ngut ki nongïalehkai chess ka Jylla ki la lah ban pynpaw ïa ka jingtbit ha ka “7th Ayodhana International Open FIDE Rating Chess Tournament 2025” kaba la long ha Assam Down Town University, Guwahati kaba la sdang naduh 8 haduh 13 tarik mynta u bnai.
Kine ki kynthup ïa u Bah Rijied Katrai uba la ïohpdiang ïa ka nam Best North-East, kumjuh u Bah Khrawkupar Pajat uba la ïohpdiang ‘Best Below 1599 Rating’ bad u Ras Lal Upadhyaya uba la wan ha ka kyrdan 37.
Na ka liang ka Meghalaya Chess Association (M.C.A) ka la pynpaw ïa ka jingsngew sarong halor kane ka jinglah ban ïalehkai bha jong ki bad ka la kitbok ba kin nangjam shaphrang ha kane ka jingïaid lynti ka jong ki ha kane ka kam ïalehkai.
