Khliehriat, Naitung 24
Ka Umlyngsha Youth SSC, Tuberkmaishnong SSC bad Khliehriat East YWSC ki la ïoh jingjop ha ka lympung ïalehkai 2nd Division Football League ba la pynïaid da ka East Jaiñtia Hills District Football Association ha ka madan artificial turf Diengshynrum, Khliehriat.
Ha ka jingïalehkai kaba la long ha ka 25 tarik u Naitung, ka Umlyngsha Youth SSC ka la pynliem 3-0 kol ïa ka Wapungshnong SSC. Ïa kine ki kol la thep da u Seibor Syrti 52, Kamni Rupsi 58 bad Daplin Lamare 74.
Ha ka jingïalehkai kaba bud, ka Tuberkmaishnong SSC ka la pynrem da 5-1 kol ïa ka Moopynieng SCSO. U Samewanki Ryngkhlem u la ïoh ban khyrwit Hat trick ha ka minit 12, 72 bad 81 katba ar tylli ki kol la thep da u Arnes Ryngkhlem 32 bad Coming Dkhar 72. Ka shi kol jong ka Moopynieng la thep da u Aron Rymbai 34.
Ha kawei pat ka jingïalehkai ka Khliehriat East YWSC ka la pynliem ïa ka Lumshken SC da 3-1 kol. Ïa ki kol jong ka Khliehriat East YWSC la thep da u Kobar S Swer 19, Silvester Shylla 37 bad Remitre Lyngdoh 73. Katba ka shi kol jong ka Lumshken la thep da u Yoowest Khaïi 57.
