Jowai, Naitung 27
Ka West Jaiñtia District Sports Association (WJDSA) ka la khot rung na ka bynta ka lympung ïalehkai Inde-pendent Day Cup Under-17 Football Lea-gue Tournament, 5th Adelberth Laloo Me-morial Trophy, 3rd Division & 8th Debo Shullai Memorial Trophy bad 2nd Division Football League Tournament 2025 kumjuh ka Women’s League, ka ban long ha ka sien kaba nyngkong eh ha katei ka district.
U General Secretary katei ka synjuk, Bah Lammat-oo Laloo u la pyntip ba na ka bynta ka Independent Day Cup Under-17 Football Lea-gue Tournament, ka bai rung ka long T. 1500/- ryngkat ka bai register kaba T.30/- na ka bynta uwei u rangïalehkai ka bym palat ïa ka 25 ngut rangïalehkai ha kawei-pa -kawei ka kynhun.
Na ka bynta kane ka lympung, ki khynnah ki dei ban long kiba la kha ha ka 01.09.2009 ryngkat ki kot ki sla ban pynshisha ïa ka snem kum ka Adhaar bad Birth Certificate. Ka tarik khatduh ban pynpoi ïa ka bai rung kan long ha ka 2 tarik u Nailar naduh ka por 10 baje mynstep bad ha kajuh ka tarik yn pynlong ruh ïa ka jurip rta ha ka por 9 baje mynstep.
Na ka bynta ka Women League ka bai rung ka long T.1500 shi kynhun ryngkat ka bai register T.20/- na ka bynta kawei ka nongïalehkai. Ïa ka tarik ban pynpoi ïa ka bai rung yn pynbna hadien.
Katba na bynta kiwei ki lympung ïalehkai ka bai rung ka long T. 2000/- ryngkat ka bai register na ka bynta uwei-pa-uwei rangïalehkai ka bym palat ïa ka 25 ngut. Ka tarik khatduh kan long ha ka 2 tarik u Nailar bad ym pdiang ïa kiba wan hadien.
Shuh shuh na ka liang u General Secretary WJDSA, u la pyntip ba ïa ka ‘tender’ na ka bynta ka 1st Division dang ailad lada don kiba kwah bad ka dor ka long kumjuh. Ka tarik khatduh ban plie ïa ka ‘tender’ kan long ha ka 2 tarik u Nailar. Te, kumta baroh ki jingdonkam yn pynpoi sha u General Secretary WJDSA.
