Shillong, Nailur 05
Ka Khasi Students’ Union – Laban Circle ka la khot jingïalang ïa baroh ki 8 tylli ki Dorbar ha 5 tarik u Nailur, 2025 ba la pynlong ha Karbi House, Laban.
Kane ka jingïalang la ïashim bynta da ki Rangbah Shnong, Secretary Shnong bad ki Executive Member jong ki shnong bapher-bapher jong ki Dorbar Shnong Madan & Riat Laban, Dorbar Shnong Laban, Dorbar Shnong Lawsohtun, Dorbar Shnong Upper Lumparing, Dorbar Shnong Lower Lumparing, Dorbar Shnong K.O.R, Dorbar Shnong Kynjat Phutbot bad Dorbar Shnong Lumshatsngi.
La don lang rynkat ki pulit jong ka Laban Police Station bad Rilbong Beat House.
Halor kitei ki mat ba la kdew haneng, la bun ka jingïamir jingmut bad khatduh-khatwai, na ka liang jong baroh kiba don ha ka jingïalang ki la poi sha kine ki rai ban ym shah shuh ïa kino-kino ki briew ki bym dei napoh u Bri Hyn?iewtrep ban ïoh ïing wai hapoh kine ki 8 tylli ki Dorbar Shnong khlem da ïoh jingbit na ka Shnong.
Kane kan kynthup ruh ïa kiba trei bad kiba shong ba sah hapoh ki ‘Guest House’ bad ki dukan bapher-bapher bad kumjuh ïa ki nongbylla bar jylla kiba wan trei bad sah ha ki jaka trei ka jong ki.
Ki trai ïing/ trai dukan/ trai ‘Guest House’/ kontraktor ki dei ban bud thik ïa ka adong shnong halor kane ka bynta bad lada don kino-kino ki trai ïing kiba pynkhei? ïa kane, yn pynshitom ïa ki katkum ka rai jong ka Dorbar bad lada donkam ka shnong ka lah ruh ban pyntip sha ka Seng ne ki tnad pulit ban leh ïa kaba donkam.
Na ka liang ka Seng ka la kyntu ruh ba ki shnong ki dei ban pyntip ïa kane sha ki paidbah lyngba ki kor jingsawa.
Ki Dorbar Shnong ki don la ka jong ka rukom treikam ban pynrung kyrteng ïa ki nongshong shnong hynrei donkam pat ai ïa kino-kino ki kot jingpynshisha (ID ne kiwei-kiwei) hadien ba la pynshisha ïa ki kot ki sla ka jong ki khnang ban lah ban pynïapher hapdeng ki nongshong kiba pura bad kiba shu wan buhai shnong be-ai? bad hap ban kiar na ka jingai kot pynshisha ïa ki briew ki bym don ka EPIC na ka Jylla Meghalaya.
Ki bor pynïaid shnong lada lap ïa kino-kino kiba sah be-ai? hapoh ka Shnong, kin shim ïa ka sienjam ban pynmih ïa kum kine ki briew bad lada donkam ka shnong ka lah ruh ban pyntip sha ka Seng ne ki tnad pulit ban leh ïa kaba donkam. Kane ka long ka kyrwoh ba la phah da u samla Rueben Najiar, President KSU Laban Circle.
