Paw ka USTM ha ka kyrdan ka NIRF kum ka skulbah shimet ba marwei na ka thaiñ Shatei Lammihngi

Shillong Nailur 05

Ka University of Science and Technology Meghalaya (USTM) ka la rakhe ïa ka jingkynjoh sha u mawjam ba kongsan ha ka pule puthi.

Ka USTM ka la bteng ban don hapdeng ki Top 200 tylli ki skulbah ha ka Ri India (151200 tylli ki skulbah ha ka snem 2020).

Ka USTM da ka jingsngew sarong ba ka bat ïa ka kyrdan jong ka kum ka skulbah shimet kaba nyngkong bad kaba marwei na ka thaiñ shatei lammihngi jong ka Ri India ha kane ka kyrdan kaba donburom ha ki saw snem lynter.

Ha kane ka sngi la don haduh 7,000 ngut ki samla pule, ki Faculty kiba la ïawan lang ban rakhe.

Haba ai jingkren na ka liang u Mahbubul Hoque u la ban jur ïa ka jingkhlaiñ jong ka jingbishar bniah jong ka NIRF.

U la pynpaw ïa ka jingsngew sarong ba ka USTM ka la pynneh ïa ka kyrdan jong ka ha ka ri katba bun kiwei pat ha kaba ki kyrdan jong kiba bun ki skulbah ki la shah pynkynriah.

Ha kane ka jingïalang la pynkup burom ruh da u Vice Chancellor u Prof. G.D. Sharma bad ka Padma Shri Dr.

La pynkut ia kane ka jingïalang da ka jingai khublei da u Anju Hazarika, Registrar, USTM, u ba la ai khublei ïa ka jingaiti lut jong u wei pa u wei u briew u ba noh synñiang sha ka jingkiew jong ki skulbah.

Ha ka jingkyrmen, ka USTM ka la pynpaw ïa ka jingthmu jong ka na ka bynta ka lawei: Ngi ngeit skhem ba da ka jingaiti kaba bteng, ka jingkyrshan na ka Sorkar Meghalaya, bad ka jingaiti lut ha ka jingpule, ka USTM kan don hapdeng ki Top 50 University ha India ha u snem ban wan.

Ka jingrakhe ïa ka Teachers Day-cum-NIRF ka la pynkut da ka mynsiem kaba thymmai jong ka jingthmu bad ka jingangnud na ka bynta ka lawei.