Khnang ban ym jyrsieh ka kur ka jait nylla u Khasi la dei ban thaw da ka aiñ ba kito kiba ioh tnga nongwei bym dei para Khasi khara la dei na ka liang u shynrang ne kynthei ruh ïa ki khun jong kine kiba ioh tnga bym dei khasi la dei ban shim da kaba shu tangjait ym ban shim ïa ka jait jong ka kmie ne kpa.Kane ka rukom ka pyllait na ka jingjyrsieh ka kur ka jait Khasi paka. Namar lada leh kumne ym lah ban pynneh ia ka jinglong kyrpang ka jait ka kynja u Khasi. Bad ym dei ban ai jait Khasi ïa ki khun shipiah na ki kpa bym dei Khasi. Kane ka long lada ngi kwah ba ka jait u Khasi kan ym ïa khleh jaktung bad ka snam kiwei ki jaitbynriew. Hynrei lada ngim shim kumne ka kur ka jait Khasi ka lah ban duh noh ïa kata ka jinglong kyrpang ka rukom kheiñkur kheiñjait na ka kmie. Ka long noh tang ka nam bad ka kyrteng ka jait khasi katba u briew ne ka briew ki dei ka doh ka snam bym dei Khasi. Kumta ngi dei ban wanrah noh da ka aiñ ban tehsong ïa ka jinglong sotti ka jaitbynriew Khasi khlem da milai lang bad kiwei ki jaitbynriew. Namar ngim lah ban khang ïa ka shongkha khleh da lei lei ruh.
C. B. Iawphniaw
