Guwahati, Risaw:
Ha ka jingïakren halor ki rukom pyntreikam na ka bynta ka jingshngaiñ ha ka bynta khappud , u Myntri Rangbah jong ka jylla Assam u Himanta Biswa Sarma ha ka lah sngi U Blei u la pynbna ba 18 ngut ki nongwan rung be-aiñ ki la shah beh noh na Sribhumi ha ka por mynstep, ka jingleh kaba pynpaw ïa ka jinglong ba khlem pyndem jong ka sorkar jong u halor ka jingwan rung tuh.
“Kumba long ka jingïalehkai kaba pawnam jong u Kohli, ngi dang pyntreikam ruh ïa ki jingpynphai beit sha ka jaka jong ki nongwan rung be-aiñ. Kum kine ki nongwan rung be-aiñ la pynphai biang mynta ka step na Sribhumi. Ka jingrakhe ïa ka jinglehkmen Diwali ka long shisha ka por ban ïakhun pyrshah ïa ka jingsniew,” la ong u Sarma ha ka jingthoh kaba u la buh ha ka rynsan X.
Ki heh sorkar ki la pynthikna ba ïa kane ka jingkhynra lang la pynlong da ki pulit Assam bad ki shipai Border Security Force (BSF), ryngkat ka jingkyrshan na ki kynhun syntiat jong ka thaiñ.
Kine ki briew, kiba la ithuh kum ki nong Bangladesh, la bat shwa ban mih ka sngi bad la phah biang ïa ki sha shiliang pud lyngba ka jaka rung jong ki.
Kane ka jingïohbat ïa kine ki briew ka la ong naba ka kynhun shipai ïada khappud ka dang pynjur ban pynlong ïa ka jingpahara khamtam ha kum kine ki por ba jur ki jingwan rungtuh jong ki briew kiba nabar ri sha ka jylla kumba la sakhi.
Ka jingwan rungtuh jong ki bar ri ka la long ruh ha ki jylla ba marjan kumba la sakhi, ha kaba ïa kine ruh hadien ba la dep ban leh ïa kaba donkam la phah bad pynphai biang ïa ki sha ka jaka ba ki wan.
Ka jingwan rungtuh jong ki bar ri ka la jur ha kane ka por namar ba dang hui hui na ka jingdon jong ka jingrakhe ïa ka jinglehkmen Diwali.
Katkum ki tyllong khubor sorkar, kane ka jingleh ka long shi bynta jong ka jingïakhih jong ka Assam “bym shah pyrshah ïa ka jingwan rung tuh”, kaba thmu ban ïada ïa ka jinglong ryntih jong ka kolshor bad ka jingbun briew jong ka jylla. Ka jingkren jong u Myntri Rangbah ka jylla, kaba pynïasoh lang ïa ka dak jong ka jinglehkmen bad ka jingsynshar kaba skhem, ka la sawa bha ha kylleng ki lad pathai khubor.
Katba ka Assam ka dang pynkhreh na ka bynta ka ilekshon ban wan, ka jingpeitngor kaba jur ka dang ïai bteng ha ki jaka khappud kiba rit paid.
Ka jingpynphai biang kaba khatduh, la ong ki heh sorkar, ka pyni ïa ka jingkut jingmut ba khlem artatien jong ka jylla ban ïada ïa u pud bad ka jinglong jong ka.
