Aizawl, Risaw:
Baroh san ngut ki kyrtong kiba la aiti ïa ki kot ki sla jong ki na ka bynta ka ilekshon shiteng samoi ha Dampa Assembly konstitwensi jong ka Mamit distrik jong ka Mizoram ki la dep ban pyndep ïa ka jingpyntreikam ha kaba ïadei bad ka jingkhmih bniah, la ïathuh ki heh ba dei khmih.
U Chief Electoral Officer (CEO) jong ka jylla Mizoram, u Lalrozama u la pynthikna ba ïa ki kot ki sla thep kyrteng jong kine ki kyrtong la bishar bniah da u Returning Officer Malsawmzuala, ki kyrtong ki kynthup ïa u Vanlalsailove na ka Zoram People’s Movement (ZPM), u R. Lalthangliana na ka Mizo National Front (MNF), u John Rotluangliana na ka Congress, u Lalhmangaiha na ka ka seng BJP, bad u K. Zahmingthanga na ka People’s Conference.
U Lalrozama u la kdew ruh ba ka tarik ba khatduh ban weng kyrteng ka dei ha ka sngi Thohdieng.
U la bynrap shuh shuh ba ki jingpynkhreh na ka bynta ka ilekshon shiteng samoi kan ïaid beit ïaid ryntih, ha kaba ka sorkar pdeng ka la buh ïa lai ngut ki nongpeit bniah ban peit ïa ka jingpynïaid ïa ka ilekshon. “Haduh mynta, kim shym don ki jingmudui ha kaba ïadei bad ka jingpynkheiñ ïa ka Model Code of Conduct dano dano kiba na ki seng ban ïakhun ïa ka ilekshon,” la ong u Lalrozama noted.
Kane ka ilekshon shiteng samoi ka la long kaba donkam hadien ka jingkhlad noh jong u MLA ka MNF u Lalrintluanga Sailo ha ka 21 tarik u Naitung. Kumba 20,790 ngut ki nongthep vote kynthup 10,185 ngut ki kynthei ki dei kiba donhok ban ïashim bynta ha ka kane ka ilekshon.
