Itanagar, Risaw:
Ka Arunachal Pradesh State Election Commission (APSEC) ka la pynbna ba ka ilekshon sha ki Panchayati Raj Institution bad ki Municipal Body ha Itanagar bad Pasighat kan long ha u bnai Nohprah.
Ha ka jingpynbna ba dang shen, ka APSEC ka la bthah ïa ki heh sorkar ban sdang ïa ka jingpynkhreh na ka bynta ka jingthep vote bad ban pynthikna ïa ka jingbuh kyrpang ïa ki jaka shong na ka bynta ki kynthei ha ki Zilla Parishad, ki Gram Panchayat, bad ki Municipal Bodies.
Ka APSEC ka la bthah ïa ki heh sorkar ba kin pynmih ïa ki jingpynbna thep vote ba thikna hapoh ka 30 tarik u Risaw.
Kum shi bynta ban thep vote ban tip ïa ki shuki ba la buh kyrpang na ka bynta ki kynthei ha ka ilekshon Panchayat ban wan yn pynlong ha ki distrik Changlang, Itanagar, Keyi Panyor, bad Kurung Kumey. Ka jingthep vote ha Changlang, Itanagar, bad ha Kurung Kumey la buh ban long ha ka 28 tarik, Risaw, katba ka Keyi Panyor kan pynlong ïa ka jingthep vote ha ka 29 tarik, Risaw.
Ha Itanagar, ka jingthep vote na ka bynta ban buh kyrpang ïa ki jaka shong ha ka Civic Body kan long ha DK State Convention Centre ha ka por 11 baje mynstep ha ka 28 tarik u Risaw.
Ka jingpyntreikam kan long hapoh ka jingtreikam jong ka kyndon 15(2) jong ka Arunachal Pradesh Municipal Corporation Act, 2019, ka ban treikam halor ka jingmang jaka kaba shi pawa na ka bynta ki kynthei kiba dei jong ka Arunachal Pradesh Scheduled Tribe. Ki heh ophisar ki la ïathuh ba ki MLA na Itanagar bad Doimukh konstitwensi, u Mayor bad u Deputy mayor, ki Corporator jong baroh 20 tylli ki Ward, bad ki nongmihkhmat jong ki seng saiñ pyrthei kiba heh kin ïadonlang ha kane ka jingïalang.
Ha Keyi Panyor, ka jingthep vote kan long ha ka 29 tarik u Risaw, ha ka ïing ïalang jong u Deputy Commissioner ha Yachuli. Ha Kurung Kumey, ka jingpynbeit ïa ka Lower bad Upper Koloriang Zilla Parishad konstitwensi kan long ha Conference Hall ha DC kaba don ha Koloriang.
Ki Ophisar jong ka Election District, kynthup ïa ka Shweta Nagarkoti Mehta, ki la pynthikna ba la khot sngewbha ïa ki nongmihkhmat paidbah, ki heh sorkar, ki dkhot jong ki seng saiñpyrthei, ki seng kynthei, bad ki lad pathai khubor ba la pynskhem ban sakhi ïa kane ka jingpyntreikam.
La bthah ïa baroh ki Block Development Officer (BDO) ba kin pynphriang paidbah ïa ki jingtip bad ban pynthikna ïa ka jingïashim bynta jong ki nongmihkhmat jong ka Panchayat.
Ka APSEC ka la ban jur ba kane ka jingpyntreikam ka long katkum ka por, ha kaba ki kaiphod ki dei ban aiti ha kajuh ka sngi ban pynlah ban pynmih ïa ki jingpynbna ba thikna haduh ka 30 tarik u Risaw.
Kumjuh la ong ba yn sa pynkhlaiñ ïa ka jingtreikam jong ki bor pahara ha baroh ki jaka ban pynlong ïa ka ilekshon.
