Ki bat ïa ka hukum U Blei. U Adam bad ka Im ki dei ki Longshuwa ha kane ka pyrthei. U briew u shim ïa ka briew ban bteng ïa ka pateng jong u. U kpa bad ka kmie ki longtrai ïa ki khun. U tnga bad ka tnga ki ïa long shi tnga, kawei ka doh kawei ka snam. Ki don ki longïing ba kynthup ïa u kpa ka kmie bad ki khun. Ka tnga ka hap hapoh ka jingpeit u tnga jong ka. U Khun u bteng ïa ka kyrteng bad ka kam jong u kpa, nuksa u khun ba la jah. U kpa u don ka main bad ka bor halor ki khun ki kti. U kpa u dei u khlieh ka ïing u nongsharai bad u nongai hukum. Ki phadar ki pastor ki jer khun (Baptist). Ka kynthei ka bud ïa u shynrang. Ha ka Bible ym don kyrteng kñi ka hukum kaba saw ka ong to burom ïa la u kpa bad ka kmie, katba nang bun pateng katta nangkhraw, nuksa, grandson, great grandson etc. U Blei u kyrkhu ïa u symbai u shynrang ban roi ha pyrthei. Shisien ba la ïathoh ym lah ban ïakhlad shuh. Dei ban ri tang kawei ka tnga. Ka jinghikai Khasi, ki bat ïa ki hukum ki longshuwa manshuwa. U Ni u kong ne u Thawlang ka Iawbei ki dei ki longshuwa.Ka briew ka shim ïa u briew ban roi ka jait ka khong jong ka. U Kñi ka kmie bad ki kur ki long trai. Ki ong la ka doh ka snam. U lok bad ka lok kim long kawei ka doh kawei ka snam ka mut shikur (lasdang). Don ka longkur ba kynthup ïa ka kmie u kni bad ki pyrsa. Ka lok ka hap hapoh ka jingpynïaid jong u kni bad ki kur, ïa ka niam kur. U pyrsa u bteng ïa ka kyrteng bad ka kam jong u kni, nuksa ha ka thung Syiem. Dei u longkñi uba synshar halor ki pyrsa. Ka kmie ka dei ka khlieh ka ïing ka nongsharai bad ka nongai hukum. U Kni u jer khun. U Shynrang u bud ïa ka kynthei. Ha ka dustur Khasi ym don kyrteng kpa don da u thawlang bad ka Iawbei. Katba nangbun ka meiteng katta nangpoh jait, nuksa, Ksew ki miaw, khnai, thyllah etc. Ki longshuwa jong-ngi ki tim ba ngin kylla mrad khñiang bad duh jait na sla pyrthei. Lada ym ioh khun dei ban ïa pyllait san shyieng noh. Lah ban ri bun ki lok kliar nalor ka lok trai. Ka DNA test lah ban ioh tang na ki kmie ki kpa bad ki hynmen ki para ym dei na u kni.
C. B. Iawphniaw
