Shillong, Naiwieng 06
Ka ACCENTUATE Make-up and Hair Academy ha ka 06 tarik u Niawieng 2025, ka la pynlong ïa ka workshop kaba ar sngi lynter halor ka jingpyni tynnad ïa u shñiuh bad pynbha briew na bynta kiba shah set hapoh District Jail, Shillong.
Ïa Kane ka prokram la pynlong lyngba ka jingtrei lang bad ka ophis jong ka Deputy Commissioner, East Khasi Hills District, bad ka Meghalaya State Skill Development Society (MSSDS), East Khasi Hills, Shillong.
Ha kane ka workshop la ïa donlang ruh da ka Kong Rosetta Mary Kurbah, Deputy Commissioner, East Khasi Hills, kaba la pynpaw ka jingkmen halor kane ka workshop.
Ia kane ka jingïalang la pynïaid da u Bah Badap Hynñiewta, u ba long u Educator bad Founder jong ka ACCENTUATE Academy, ryngkat bad ka kynhun jong u.
Ka thong jong kane ka prokram ka long ban ai lad ïa kiba sah hapoh jail, ba kin ïoh ïa ki jinghikai kiba kyrpang bad kiba lah ban pynmyntoi ïa ki.
Kane ka workshop la ai jinghikai kumno ban pynitynnad ïa ka dur, bad pynbha ïa ki snieh doh ha ki kti bad ki kjat.
U Bah Hynñiewta bad ka kynhun jong u, ki la pynshai ruh ba kine ki sap trei ki lah ban plie lad ïa ki hadien habud ruh kumjuh.
Ha kane ka prokram, la don haduh 30 ngut ki kynthei bad shynrang, kiba la ïa shim bynta ha katei ka prokram.
