Ka pyrthei ka dei ka ïing shong basa. Te ka dei ka ïingshong basa jongno ? Ka pyrthei ka dei ka jakashong jakasah jongngi ki briew. Ngi im ngi shong ngi sah bad ngi kamai hangne ha pyrthei katba ngi dangim. Baroh ki jaitbynriew ha satlak ka pyrthei ki trei ki ktah, ki ioh ka bam ka sa da kaba ki thung ki tep ha ka khyndew, ki sa ioh ïa u khaw u kba u kew u krai bad kiwei kiwei ki jait jingbam ban pyndap pynbiang ïa lade bad ïa ki khun ki kti. Kane ka pyrthei ka dei ka pliang ja jongngi ki briew. Kumta kane ka pyrthei ka dei ka ïingshong ïingsah jongngi ki briew katba ngi dangim. Ngi ioh kiei kiei katba ngi kwah haba ngi smat ngi sting lyngba ka meiramew. Ka bneng pat ka dei ka jaka shong jaka sah bad ka ïingshong noh jong ki riew khuid lane kiba la iap. Baroh kiba la iap ki leit poi sha bneng bad u Blei. Balei nga ong kumta ? Namar kiba la iap ki la poi sha bneng, kim donkam eiei shuh, kim donkam bam shuh, kim donkam phong sopti sut shuh. Ym donkam ka riam ka beit ha bneng. Ha bneng ym don shuh ka pang ka shitom bad ym don shuh ka jingduk ne ka jingriew spah. Baroh ki la ïa long ryngkat ka rukom im ha bneng. Namar shisien ba la iap ym don shuh ka jingmih pat kumba hikai ka niam jong kane ka pyrthei. Namar u Blei lane u Mynsiem u la mih noh na ka metdoh jong-ngi ki briew haba ngi la iap duh shi junom. Kane ka long ka jingiohi jongnga bad ka jingïatiplem jongnga haba ïa dei bad ka pyrthei bad ka bneng.
Ka pyrthei ka dei ka ïing shong basa. Te ka dei ka ïingshong basa jongno ? Ka pyrthei ka dei ka jakashong jakasah jongngi ki briew. Ngi im ngi shong ngi sah bad ngi kamai hangne ha pyrthei katba ngi dangim. Baroh ki jaitbynriew ha satlak ka pyrthei ki trei ki ktah, ki ioh ka bam ka sa da kaba ki thung ki tep ha ka khyndew, ki sa ioh ïa u khaw u kba u kew u krai bad kiwei kiwei ki jait jingbam ban pyndap pynbiang ïa lade bad ïa ki khun ki kti. Kane ka pyrthei ka dei ka pliang ja jongngi ki briew. Kumta kane ka pyrthei ka dei ka ïingshong ïingsah jongngi ki briew katba ngi dangim. Ngi ioh kiei kiei katba ngi kwah haba ngi smat ngi sting lyngba ka meiramew. Ka bneng pat ka dei ka jaka shong jaka sah bad ka ïingshong noh jong ki riew khuid lane kiba la iap. Baroh kiba la iap ki leit poi sha bneng bad u Blei. Balei nga ong kumta ? Namar kiba la iap ki la poi sha bneng, kim donkam eiei shuh, kim donkam bam shuh, kim donkam phong sopti sut shuh. Ym donkam ka riam ka beit ha bneng. Ha bneng ym don shuh ka pang ka shitom bad ym don shuh ka jingduk ne ka jingriew spah. Baroh ki la ïa long ryngkat ka rukom im ha bneng. Namar shisien ba la iap ym don shuh ka jingmih pat kumba hikai ka niam jong kane ka pyrthei. Namar u Blei lane u Mynsiem u la mih noh na ka metdoh jong-ngi ki briew haba ngi la iap duh shi junom. Kane ka long ka jingiohi jongnga bad ka jingïatiplem jongnga haba ïa dei bad ka pyrthei bad ka bneng.
C. B. Iawphniaw
