Jowai, Naiwieng 14
Ka Khimusniang kala khur jingjop ha ka Super Division Football Tournament-17th Kiang Nangbah Memorial Trophy ba la pynïaid da ka West Jaiñtia District Sports Association (WJDSA).
Ha ka jingïalehkai kaba la long ha madan Kiang Nangbah Stadium, Jowai ha ka 14 tarik Naiwieng ka Khimusniang ka la pynliem ïa ka 7 Wasa United da 2-1 kol.
Ïa ki kol jong ka Khimusniang la thep da u Sanjini Dkhar ha ka minit 16 bad Risan Dkhar ha ka minit 75, katba ka shi-kol jong ka 7 Wasa United la thep da u Arwanki Rymbai haka minit 49.
Ka jingïalehkai ha ka 15 tarik Naiwieng kan long hapdeng ka Mooknor Thadmuthlong bad Ladthadlaboh ha ka por 2.00 baje nohphai sngi.
