Shillong, Naiwieng 14
U Trevoh Chalobah un pynkhreh ban ïasoh sha ka kynhun ïalehkai ka England na ka bynta ban mih bujli ha ka jaka u rangïalehkai ‘dien ka Crystal Palace u Marc Guehi, uba la mynsaw.
Une u rangïalehkai ‘dien jong ka Chelsea, uba dang 26 snem ka rta, u dei ban ïasoh bad ka kynhun, na ka bynta ka jingïakhun ba khatduh jong ka England, pyrshah ïa ka Albania bad ka Serbia, hynrei ym pat shym la lah ban pynbna paidbah halor kane ka bynta.
Kumba ka long mynta ka England ka la ïoh rung sha ka FIFA World Cup ka ban long ha u snem ban wan.
U Chalobah u la shah jied ha ka sien kaba nyngkong eh hapoh ka jingïalam u Thomas Tuchel uba long u coach ka England ha u Jymmang bad u la ïoh ban ïalehkai nyngkong eh pyrshah ïa ka Senegal.
Ha u Nailur, u Tuchel u la ong ba u Chalobah u la duh noh ban shim bynta ïa ka kynhun pyrshah ïa ka Andorra bad ka Serbia, bad ruh ym shym la khot ïa u na ka bynta ka jingïalehkai bar ri ha u Risaw.
U Tuchel u la long u nongïalehkai ba kongsan ha ka jingïalehkai jong u Chalobah, ha kaba u la ailad ïa utei u rangïalehkai ka Chelsea ha ka sien kaba nyngkong ha u snem 2021.
U Chalobah u la mih madan ha baroh lait noh saw tylli ki jingïalehkai na ka bynta ka Chelsea mynta ka samoi, ha kaba kane ka klob ka la wan ha ka kyrdan kaba lai ha ka Premier League, kumjuh ka la rung Quarter-Final ha ka Carabao Cup bad ha ka Champions League.
U Guehi u la mynsaw na ka kjat ha ka jingïakhun ka Crystal Palace ha ka Conference League ha kaba ka la jop ïa ka AZ Alkmaar ha ka taïew ba la lah.
Ka lah ban don ka jingpynrung sa katto katne hapoh ka kynhun. U manager ka Newcastle u Eddie Howe u la ong ba u rangïalehkai shapdeng u Anthony Gordon bad u rangapkol ki lah ban weng noh na ka kynhun.
