Jowai, Naiwieng 18
Ka 7 Wasa United bad ka Nangbah Mulang ki la ïasam mar shi point ha ka lympung ïalehkai Super Division Football Tournament ba la pynïaid da ka West Jaiñtia District Sports Association (WJDSA), hadien ba ki la ïakhaid mar 1-1 kol ha ka sngi Ba-ar ha Kiang Nangbah Stadium, Jowai.
Ka 7 Wasa United ka la pynkhih jar nyngkong eh lyngba u Arwanki Rymbai ha ka minit kaba 31, hynrei shwa ban wai u Shanhok Siangshai u la lah ban pynphai kylla ha ka minit kaba 90+8 na ka bynta ban pynlong ïa ka Nangbah Mulang ban ïakhaid mar shi kol.
Ha ka sngi Balang ka jingïalehkai kan long hapdeng ka Ladthadlaboh bad Youth & Cultural Sohmyn-ting ha ka por 2 baje nohphai sngi.
