Shillong, Naiwieng 20
Ka All Meghalaya Futsal Soccer Association (AMFSA) ka la pynkhreh ban leit shim bynta sha ka National Futsal Tournament ka ban long ha nongbah Delhi ha u Nohprah.
Haba ïakren bad ki nongthoh khubor u President ka AMFSA u Bah Samuel Hashah u la ïathuh ba ka kynhun ha kane ka kynti ba mynta ka la pynkhreh shaid shaid ban leit ïashim bynta sha katei ka lympung ka ban long ha nongbah Delhi. Kane ka synjuk kan sei da ka kynhun ïalehkai Under-19 ha ka liang ki kynthei bad shynrang.
U la ïathuh ba ka kynhun naduh ba la seng ïa ka, ka la leit ban ïashim bynta ha bun tylli ki lympung ïalehkai shabar jylla kumjuh ruh ha ki jingïalehkai bar ri bad ki la ïoh ruh ïa ka jingjop.
