Shillong, Naiwieng 21
U coach ba hakhlieh duh u Bibiano Fernandes ha ka sngi Thohdieng u la ai kyrteng ïa ka kynhun ïalehkai shynrang jong ka India kaba don 23 ngut ki dkhot ban ïakhun ïa ka 2026 AFC Under-17 Asian Cup Qualifiers, ka ban sdang ha ka sngi Saitjaiñ ha EKA Arena ha Ahmedabad. Ka India kan ïakhun pyrshah ïa ka Palestine (22 tarik u Naiwieng), ka China Taipei (26 tarik u Naiwieng), ka Lebanon (28 tarik u Naiwieng) bad ka Iran (30 tarik u Naiwieng). Ki kynhun kiba jop ha kane ka kynhun kin ïoh ban rung sha ka lympung phainal ha Saudi Arabia ha u snem ban wan, ka ban long kum ka lynti ban rung sha ka FIFA U17 World Cup ha Qatar ha u snem ban wan.
Ka kynhun ïalehkai jong ka India: Ki nongap kol: u Manashjyoti Baruah, u Maroof Shafi, u Rajrup Sarkar.
Ki nongïalehkai ïada bad kyrshan na shadien ki long u Abhishek Kumar Mondal, u Ankur Raj-bagh, u Indra Rana Magar, u Korou Meitei Konthoujam, u Law-msangzuala, u Md Aimaan Bin, u Shubham Poonia.
Ki nongïalehkai pdeng madan ki long u Dallal-muon Gangte, Denny Singh Wangkhem, Diamond Singh Thok-chom, Mukundo Singh Ningthoujam, Nitish-kumar Meitei Yengkhom, Thonggoumong Touthang.
Ki rangïalehkai shakhmat ki long u Aazim Parveez Najar, u Azlaan Shah Kh, u Gunleiba Wangkheirakpam, u Heeranganba Seram, u Jasir Khan, u Lesvin Rebelo, u Rahan Ahmed.
