Chennai, Naiwieng:
Ka jingkyrduh umbam-umdih jong ki paid nongshong shnong ha kiba bun ki jaka jong ka jylla Tamil Nadu ka la buh jingeh haduh katta katta, ha kaba ki bor sorkar naduh kaba sdang ki la ïaid shakhmat ban pynurlong ïa ka jingkyrpad jong ki paidbah na ka bynta ban pynbiang ïa ka umbam umdih.
Kawei na ki sienjam ba la shim ban pynïaid shakhmat halor kane ka jingthmu, ka dei ka jingpyntreikam ïa ka Combined Water Supply Scheme (CWSS) ha ki distrik kiba shah ktah na ka jingkyrduh um.
Ka sorkar ka la pyntreikam ïa kane ka skhim ban ai jingmyntoi ïa kumba 4.91 lak ngut ki briew, bad ïa ka um ba la ksam la pynpoi sha ki ïing ha ki jaka nongkyndong.
U heh ophisar jong ka Tamil Nadu Water Supply and Drainage Board (TWAD) u la ong, “Ka sorkar jylla ka la pynbna ïa ka CWSS kaba thymmai na ka bynta 890 klur tyngka ban pynduna ïa ka jingduna um ha ki shnong kiba don ha ki jaka khap sor kum ha Palladam, Pongalur, Kundadam, Moolanur, Kangerup di, ha Ting. Baroh kan kynthup ïa 1,252 ngut ki nongshong shnong. Ka jingpyntreikam ïa kane ka projek ka la sdang ha kaba la don jingkyrmen ba yn sa pynsted ïa ka jingpyntreikam ban poi sha ka thong ban lah ban pynbiang ïa ki jingdonkam jong ki nongshong shnong.
