Shillong, Naiwieng 27
Ka lympung ïalehkai First Division Football Tournament ba la pynïaid da ka Tyrsad Area Sports Association (TASA) ka la nangjam shaphrang ha kaba baroh ar tylli ki jingïakhun ki la poi sha ki jingïakhaid ha ka 25 tarik mynta u bnai ha madan Mawlum, Tyrsad.
Ha kane ka jingïalehkai kaba nyngkong hapdeng ka Wahlyngkien Sunei SC bad ka Mawdngong SC ki la ïakhaid mar 1-1 kol. Ka Wahlyngkien ka la pynkhih jar nyngkong lyngba u Rosstar Thabah ha ka minit kaba 16, hynrei ka Mawdngong ka la lah ban pynphai kylla hashwa ban wai lyngba u Bitdor Kharshiing (90+3) na ka bynta ban ïakhaid mar shi kol.
Haba phai sha kawei pat ka jingïalehkai hapdeng ka Mawkynroh bad ka Thaiñthynroh ki la iakhaid mar 1-1 kol. Ka Mawkynroh ka la pynkhih jar nyngkong lyngba u Toberwell Marngar ha ka minit kaba 27, hynrei na ka liang ka Thaiñthynroh ka la lah ban pynïakhaid kylla lyngba u Wanhun Nongsiej ha ka minit kaba 54.
