Bashaiborlang Majaw, Umthli Laitlyngkot
Ka um ka dei kawei na ki jingthaw u Blei hapneh ka mei mariang, kaba khraw bad kaba kynsaitam na baroh ki jingthaw jong u, naba baroh ki jingthaw baim bad bakhih ki donkam ïa ka. Khlem ka um baroh kin iap tyrkhong, iap sliang, bad duh syndon jingduh jyndam.
Namarkata to ngin sumar khuid ïa ki tyllong um kiba don sawdong jong ngi, kiba dei ka tynrai jong ka jingim jong ngi iwei pa iwei. Da ka ngi dih ngi bam ngi shet ngi tiew ngi sait ngi khlieng ngi sum ngi sleh bad kumta ter ter, man la u jingthaw um lah ban kyntait ïa ka, wad lada u ong ngam dih ïa ka hynrei u sliang daei un pynjah sliang, leit na ka, wat la nang ngam pyndonkam ïa ka, da ki paton pynkhuid ïa u ne ka khlem ma ka, kumta la ngi rit ne khraw, mraw ne ba laitluid ngi donkam ïa ka ha ka jingim jong ngi man la ka sngi, te namar kata to ngin shim ka jingkitkhlieh ha lade ban sumar ïa ka (um) ha ki dei ka tyllongum pohliew ne wah duid wahrit wahheh bad duriaw, to ngin sumar ïa ki ha ki jingkhuid sati jong ki, wat leh beiñ leh tohmet ïa ki, wat pynlong ïa ki nongkit pop, ba shyrkhei ban bret sha ki khlem jingisynei ïa ki jakhlia jaboh baroh kiba mih na ki ïing jongngi jong phi, iwei pa iwei baroh ha man ki shong ki thaw.
Kiwei pat ki bynta ba kongsan jong kane ban im ha ka jingim khristan ka jong man la ka jingngeit jingleh jingkam jingtrei, ki ktien ki thylliej ka jingim jong baroh kin long ki umpohliew jong ka um baim ba la mang da u Blei.
U Jisu u la ong “jar uba dih ïa kane ka um um sliang shuh, hynrei uta uba dih ïa ka um ba ngan ai manga un ym sliang shuh lano lano, ka um ba ngan ai kan kylla long hapoh jong u ka umpohliew ka ban kynrei sha ka jingim bymjukut (Io 4 : 13 – 14).
Ka um ba u Trai Jisu Khrist u ai hangi, ka jingaiei jong ka um baptisma, ba la saitda ki pop tynrai jong kito kiba ngeit ha ka jingpynim jong u lyngba ka snam bad ka um ba kyrsoi na krung u Jisu nalor ka diengphna ha u lum Kalbari.
Namarkata tang kita kiba ioh ïa ka jingaiei jong ka um jong ka jingim bymjukut, lyng-ba ki sakramen ba bun jong ka balang kin ioh ïa jingpynim para bangeit baieid te kynmaw wat nym pynsepei ne ñiewsting ïa ka um barim ba la ai da u Blei ha ka jingim jong phi iwei iwei naduh ka sngi baptisma, te to pyndonkam ïa ka da ka jingriew Blei kum ki dak ki shin ba saitkhuid ïa ki jakhlia jong ka pop ha ka dohnud bamong bad ba pang jong phi. Da ka jingngeit te shañiah ha u trai ba un sait khuid ïa phi iwei pa iwei.
To leh ïa kane ha ki khun ki kti jong phi ki hynmen ki para ka ïing ka sem ka shnong ka thaw ka imlang sahlang bad ka balang, pyndonkam ïa ka ha ka mon la ki por baroh. Ha ka jingsuk jingkmen jingpang jingshitom ha ki jingeh jingjynjar jingkhuslai jingpisa kin pynkhuid bad sait ïa kita baroh.
Da ka jingngeit u Alek u khynnah ba dang 8 snem ka rta u pyndih tang shi shamoit ka um baim (um kyrkhu) ïa u kñi jong u, uba pang bampong (kansar) uba la ap satang ki sngi ba ki doktor ki la batai ba un sa khlad, hynrei ki dokot ki ong satang ki jingduwai u Blei ki ban pynkoit ïa u, dang step phyrngap u Alek u khynnah ula wad kylleng ki dukan die dawai ïa kata ka dawai u Blei, hynrei um ioh u la kut ki lad khatduh ula kyrpad ïa u Blei ba un ai ka dawai jong u ba un pyndih ïa u Kñi jong u, bad u blei u la jubab ïa u ba un leit shim na ïing ba don ki (lyngdoh phadar).
Haba u la poi ha ïing parish ula ong ai lem seh ka dawai U Blei. U Phadar u lyng-ngoh ha u iohsngew kine ki kyntien na u hep barit ka dawai aiu kata. Ka dawai u Blei phin leh aiu ieid ïa ka, ïano phin ai ïa I mama phi ba I pang jur, ba ki doktor ki ong sa tang ka dawai u Blei. Kaba lah ban pynkoit ïa I na ka jingpang jong I, kumta u lyngdoh (phadar) u sngewthuh ba ka dei ka um kyrkhu bad u la ai ha u da u da ong ha u, ba I mama jong phi i koitnoh ne tang shu dih kane ka dawai, hooid u Alek u ong bad u leit noh nangta. Marsien dih ka dawai u Blei u Kñi u la koit bad ki jingpang baroh ki la jah (ka mut la jem) ki doktor ki lyngngoh ban khlaiñ khari khari. Kumta ki tes ïa u ban pynshisha la u la koit shisha ne em, ka test ka batai ba um don jingpang eiei ha ka met jong u.
Para bangieit baieit ka jingngeit ka long ka dawai jong ka um baim ba la ai da u trai Jisu ïa ngi kaba kyrsoi na ka tlong jong ka dohnud jong ka jingisynei jong u Blei.
