Imphal, Naiwieng:
Ki bor pahara jong ka sorkar pdeng bad ki pulit jong ka jylla, ha ka por ba ki dang bteng ban khanglad bad talasi kum shi bynta jong ka jingïakhun pyrshah ïa ki lehnoh ha ki jaka ba rit paid jong ka distrik Kangpokpi, ki la pynpra ïa ar tylli ki jaka sah jong ki lehnoh bad ki la ïoh kurup ïa ki tiar thma, ki tiar siat, ki tiar pynbthei, bad kiwei kiwei ki tiar ha ka sngi Ba-ar.
Ki heh sorkar ki la pyntip ha ka sngi Balang ba la lap katto katne ki tiar shipai na ki jaka sah jong ki lehnoh ba la iehnoh ba la buh ha ki jaka ba kongsan bapher bapher.
Ïa ki jingtrei ba kyrpang la pynlong ha ki bynta ba shatei bad shathie jong ka distrik Kangpokpi, kaba bun ki shong ki sah da ki riewlum Kuki-Zo.
Ha ka bynta ba nyngkong jong ka jingkhynra, kane ka kynhun ba ïatreilang ka la ïoh kurup ïa kine ki tiar na khlaw Gelbung kaba don hapoh jong ka Saikul Police Station kaba don ha Kangpokpi distrik.
Ha ka bynta kaba ar jong katei ka jingkhynra, kaba la pynlong ha ka shnong Songlung kaba hap hapoh jong ka Kangchup Police Station ha Kangpokpi district, la ïoh ban kurup ïa kiba bun ki tiar hiar thma.
Ki tiar ba la ïoh ban kurup, ki kynthup ïa kawei ka CMG Carbine bad u Magazine, kawei ka suloi.303, ar tylli ki pistol ba mar uwei u Magazine, khyndai tylli ki Bolt-action single-barrel Gun ba la shna hi, kawei ka Country-made SBBL, 46 ki song kuli jong kiba bun ki jait tiar siat, 80 tylli ki synduk thylli, uwei u bom kawang kti, uwei u Safety Fuse, uwei u bom pynbthei, lai tylli ki PEK, saw tylli ki pumpis, uwei u pumpi stand, ar tylli ki Baofeng Handsets, shijur ki boot ñium khlaw uwei u Magazine Pouch.
Ha ka jingleit khynra kaba ar, la ïoh ban kurup ïa kawei ka suloi Heckler & Koch G3 bad u Magazine, ar tylli ki suloi Bolt-Action, saw tylli ki suloi pull-mechanism, uwei u Improvised Mortar, mar ar tylli ki bom No. 36 hand grenades, Arming rings, bad ki bom pynbthei, ar song ki kuli G3 bad kawei ka Handheld radio set.
