Shillong, Nohprah 04
Ka lympung ïalehkai phutbol na ka bynta kiba la palat 35 snem ka rta, ba la ainam ha u (L) Bah Badon Rai Diengdoh, uba la noh synñiang ha ki kam sha ka Elaka Saitsohpen Sirdarship kum u Mata-bor, Acting Sirdar bad Secretary, la pynhap pyrda noh ha ka 29 tarik u Naiwieng, 2025 ha Madan Pynshadkhurai.
Ha katei ka sngi la pynlong ïa ka jingïakhun final ha kaba ka Laitryng-ew Veteran FC ka la lah ban pynliem noh ïa ka Saitsohpen Veteran FC da 2-1 kol.
Ki la don baroh 8 tylli ki kynhun kiba la ïashim bynta ha kane ka lympung kaba la sdang naduh ka 8 tarik u Naiwieng ba la pynlong da ka Elaka Saitsohpen Sirdarship ha ka jingïatreilang bad ka Seng Samla Saitsohpen.
Ka lahduh jong kane ka lympung ka la ïohpdiang ïa ka song pisa kaba T.30,000 tyngka, katba kaba wan ba-ar pat ka la ïoh T.15,000 tyngka lem ki trophy.
La sam ruh ïa ki khusnam shimet sha ki nongïa-lehkai ha kaba ka khusnam Player of the Tourna-ment ka leit sha u Bah Pyntngenlang Lyngdoh na ka Laitryngew Veteran FC, Best Goalkeeper sha u Bah Allan Eddie Roy Marbaniang ka Saitsoh-pen Veteran FC, Top Scorer sha u Bah Dathew Synrem ka Mawmluh Veteran FC, Oldest Player sha u Bah Wewon Kurbah ka Khliehshnong Veteran FC bad Player of the Match sha Bah Ricky Surong na ka Saitsohpen Veteran FC.
Ha katei ka sngi pynhap pyrda nalor ki nongïa-lam ka Elaka Saitsohpen Sirdarship, Seng Samla Saitsohpen, ki bahaïing u Bah BR Diengdoh, la ïa donlang ruh da u Bah Titostarwell Chyne, MDC ka Sohra bad kiwei.
