Haba phai ha ki Lum ka ri Khasi ngi shem bad ngi ïohi ba ki Lum kum u Lum Shillong bad kiwei kiwei ki long ki jaka tlong pynmih umdih. Kum ka nuksa u Lum Shillong u don haduh ki khyndai umdih khyndai umtong. Ki wah duid ba mih na une u lum, ki umpohliew bad ki shyngiar ki mih bad kyrsoi pyndap um ïa ki shnong kiba don sawdong jong u Lum. Te kumjuh u Lum Diengiei ruh u don ki tlong um kiba lah ban ai um ïa ki bun tylli ki shnong, phang sepngi, shatei bad phang mihngi. U Lum Sohpet bneng ruh u don bun ki tlong um kiba ki shnong hajan jong une u Lum ki ïoh umdih. Na u Lum Mawthadraishan ruh ki mih bun ki wah duid kiba ai um kum ki tlong um dih bad ki umpohliew bad ki pung lang um. U Lum Iawpaw ruh bun ki wah duid ki mih kiba ai um ïa ki shnong sawdong jong une u Lum, ki ïoh umdih na ki tlong um ba mih na une u lum. La jan baroh ki lum ki dei ki tlong um ba ai um ïa ki shnong bad ki jaka rep kiba shong ba sah hajan ki lum. Ki lum ka ri Khasi ki long ki jaka ba shong um ha trai ki lum bad ki pynmih ïa ki umdih um bam kiba shyng-iam ban dih.
C. B. Iawphniaw
