London, Nohprah:
Ha ka sienjam kaba la wanrah ka jingbitar hapdeng ki samla pule kiba kwah ban pule ha katei ka ri, katto katne ki skulbah jong ka ri Bilat ki la pynsangeh ne khanglad ïa ka jingpdiang ïa ki samla pule na Pakistan bad Bangladesh, da kaba ong ba ka jingkiew ka jingpyndonkam bakla ïa ki visa bad ka jingkiew ka jingpynbor na ka UK Home Office ban khanglad ïa ki aplikeshon thok.
Ym duna ia ka hynniew tylli ki skulbah, ki la pynsangeh noh ia ka jingshim kam na ki ri kiba don ha ka jingma kaba khraw, hadien ka jingkiew kaba shyrkhei jong ki jingdawa jaka rieh na ki samla pule nabar ri, kumba la iathuh da ka The Financial Times.
Katkum ka khubor jong ka The Financial Times, ka University of Chester ka la pynbna ban pynsangeh noh ïa ka jingshim kam ïa ki samla pule na Pakistan haduh ka por tlang jong u snem 2026, da kaba kdew ïa ka “jingkiew kynsan jong ki jingkyntait visa.” Ka University of Wolverhampton bad ka University of East London ruh ki la sangeh noh ban pdiang ia ki aplikeshon pule undergraduate na ki nong Pakistan bad Bangladesh.
Ha kajuh ka por, ki skulbah Sunderland bad Coventry ki la pynjari ïa ki kyndon kiba kum kine ban pynneh ïa kaei kaba ki khot ka “jinglong hok” jong ka rukom ai visa ïa ki samla pule jong ka UK. Kane ka jingpynshitom beiñ kaba jur bha ka long hadien ba ka sorkar UK ka la pynkhlaiñ ïa ki kyndon jong ka jingpeit bniah ïa ka jingbud ryntih ïa ki aiñ (BCA), kiba pynthikna ïa ka jinglong hok jong kawei ka jaka pule ban kyrshan ïa ki samla pule nabar ri.
Hapoh ki kyndon ba la pynkylla, ki skulbah ki dei ban pynthikna ba tang hapoh 5 percent na ki jingpan visa jong ki kin shah kyntait, kaba long ka jinghiar kaba jur bha na ka 10% kaba mynshuwa. Hynrei, ka jingshah kyntait visa na ka bynta ka Pakistan bad Bangladesh ka ieng ha ka jingkhuslai kaba 18 bad 22%, kawei hadien kawei pat, kaba la palat shibun ïa ki kyndon ba thymmai.
Kiwei pat ki jaka pule, kynthup ïa ka Glasgow Caledonian, ka Oxford Brookes, ka Hertfordshire, ka BPP University, bad ka London Metropolitan, ki la pynsangeh ruh ïa ka jingpynrung kam na kine ki ri, da kaba kdew ïa ki “por ba jrong ban pyntreikam ïa ki visa” bad “ki jingma kiba don ha ka jingbud ryntih ïa ki kyndon.” Ka London Metropolitan University, ka la pynpaw ba tang ki nongaplai na Bangladesh, ki don 60 percent na ki jingkyntait visa jong ka, kumba la kdew da ka khubor The Financial Times.
