Khliehriat, Nohprah 09
Ka Byndihati SC ka la sdang da ka jingjop ha ka lympung ïalehkai ‘Women’s Football Tournament’ ba la pynïaid da ka East Jaiñtia Hills District Football Association (EJHDFA) ha ka sngi Ba-ar, hadien ba ka la pynliem noh ïa ka Narpuh WWSC da 14-0 kol ha madan artificial turf Diengshynrum, Khliehriat.
Ka Makrisha Songthiang ka la lah ban thep marwei da ar tylli ki hat-trick ha kaba ka la thep haduh phra kol ha ka minit 6, 20, 24, 31, 42, 54, 60 & 79, katba ïa kawei ka hat-trick la ïoh da ka Charlinda Nongtdu ha ka minit ba 12, 35 & 37. Katba ïa kiwei pat ki kol la thep da ka Deimonmi Lyngdoh (23), ka Happily Lyngdoh (55) bad ka Diwakar Dkhar (77).
Ha kawei pat ka jingïalehkai kaba la long kham hashwa hapdeng ka Umshong SC bad ka Jalyiah United SC ki la kut ha ka jingïakhaid hadien ba kim shym la lah ban pynkhih jar.
Ïa kane ka lympung la plie da u General Secretary ka EJHDFA u Bah James Sutnga ha ryngkat ka jingdonlang u Working President ka EJHDC Bah Mehiwot Chadap, Tournament Secretary Bah Embhahlang Lamurong nalor kiwei pat.
