Shillong, Nohprah 09
Ka Thaiñthynroh SC ka la pynliem noh ïa ka Umkaber SC da 3-1 kol ha ka TASA First Division Football League 2025-26, ha ka sngi Ba-ar.
Ha kane ka jingïakhun kaba la long ha madan Mawlum, Tyrsad, ka Thaiñ-thynroh ka la pynkhihjar ha ka minit kaba 3 lyngba u Wanhun Nongsiej bad kane ka shi kol ka la ïai neh haduh kaba kut jong ka kylla step.
Hadien ba la bteng ïa ka jingïakhun jong ka kylla miet, ka Thaiñthyn-roh ka la pynbud biang ïa ka kol kaba ar lyngba u Wanhun Nongsiej (66). Hadien ar minit ka Umkaber ka la pynphai kylla shi kol lyngba u Bymjuklet Swer.
Ka Thaiñthynroh ka la thep biang ïa ka kol kaba lai lyngba u Bhaboklang Kharryngki (71) na ka bynta ban khur syndon ïa ka jingjop.
Haba phai sha kawei pat ka jingïakhun kaba ar hapdeng ka Wahlyngkien Sunei SC bad ka Mawlum Tyrsad SC ki la ïasam mar shi point hadien ba kim shym la lah ban thep kol haduh kaba kut ka jingïalehkai.
Ha ka sngi Saitjaiñ, ka Mawdngong SC kan ïakhun pyrshah ïa ka Nongspung AYSCSA ha ka por 11.30 mynstep bad ka Umkseh SC ïa ka Mawkynroh SC ha ka por 2 baje nohphai sngi.
