Itanagar, Nohprah:
Ka bor pynïaid distrik jong ka Namsai ki la pynmih ïa ka jingmaham kaba khatduh pyrshah ïa ka jingrep syntiew Poppy beaiñ hadien ba ka jingjurip bniah ïa ka khyndew ka la lap ïa ki jaka kiba bun kiba donkti ha ki kam rep poppy.
Katkum ka jingïathuh ki heh sorkar, dang shen ka kynhun Anti-Drug Squad jong ki pulit ka Namsai ryngkat ka jingïatreilang bad ki pulit ka Chongkham ki la pynlong ïa ka jingjurip kaba bniah ïa ki jaka ba la suba ba ki don ki jingthung syntiew ba ju shna jingdih pynbuaid. Ka jingwad bniah ka la pynthikna ba katto katne ki jaka ki don mynta hapoh ka jingrep beaiñ ne ki dang pynkhreh na ka bynta kum kine ki kam.
Ka bor synshar mynta ka la kren shai khlem jingartatien ba ka jingpynshitom kaba tyngeh kan bud. Ki bor synshar ki la pynbna ba shen yn sa sdang ïa ka jingpynjari aiñ kaba pura, kaba ym lah ban ïakren ha kylleng ka distrik. Ki pulit ki la pynksan ba ym don uwei ruh u briew shimet, la u nongrep ne u trai jaka, u ban lait na ka jingshah pynshitom katkum ka aiñ. Ka jingkem mardor, ka jingpynjot ïa ki jingthung beaiñ, bad ki lad treikam katkum ka aiñ kiba tyngeh tam katkum ki kyndon kiba la don lypa yn pyntreikam lada lap ïa kino kino ki nongpynkheiñ aiñ.
“Kan ym don ki jingpynrem, ki jingïakren, bad ki lad ba ar,” la pynpaw ki heh sorkar, da kaba kyntu ïa ki nongshong shnong ban kohnguh ïa ka jingbthah bad ban pynsangeh noh ïa kano kano ka jingrep be-aiñ kaba dang ïaid shakhmat.
